• “Hemofiliyanın müalicəsində yeni yanaşmalar” mövzusunda elmi-praktik seminar keçirildi
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi
  • “Ümumdünya ana südü ilə qidalandırma həftəsi” qeyd olundu
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

24 OKTYABR 2018

Bakı Dövlət İqtisadiyyat və Humanitar Kollecində “Qohum evlilikləri və talassemiya mövzusunda mühazirə təşkil olundu

24 oktyabr 2018-ci il tarixdə Azərbaycan Respublikasının Ailə, Qadın və Uşaq Problemləri üzrə Dövlət Komitəsinin təşəbbüsü və Səhiyyə Nazirliyinin İctimai Səhiyyə və İslahatlar Mərkəzinin (İSİM) dəstəyi ilə Bakı Dövlət İqtisadiyyat və Humanitar Kollecində maarifləndirici tədbir keçirildi.

Tədbiri giriş sözü ilə kollecin Tərbiyə işləri üzrə direktor müavini Gülnarə Həsənova açaraq, belə tədbirlərin sağlam gəncliyin formalaşmasında mühüm rol oynadığını diqqətə çatdırdı. Ailə, Qadın və Uşaq Problemləri üzrə Dövlət Komitəsinin Ailə problemləri şöbəsinin müdir müavini Kamila Əliyeva gender bərabərliyinin təmin edilməsi, narkomaniya, məişət zorakılığı, erkən nikahlar, qeyri-infeksion xəstəliklər və digər sahələr üzrə İSİM-lə birgə ölkə ərazisində keçirilən maarifləndirici tədbirlərin əhəmiyyətini və iştirakçılar tərəfindən maraqla qarşılandığını vurğuladı. İSİM-in həkim-metodisti Lətafət Dadaşova “Qohum evlilikləri və talassemiya mövzusunda geniş təqdimatla çıxış edərək, gəncləri diqqətli və ehtiyatlı olmağa çağırdı: “Yaxın qohumların oxşar genləri çox olduğu üçün iki xəstə patoloji gen daşıyıcıları evlənərsə, uşağın xəstə doğulma riski artır. Qohum evliliklərinin törətdiyi ən ağır irsi xəstəliklərdən biri isə talassemiyadır. Talassemiya nəsildən-nəsilə keçən çox ağır irsi qan xəstəliyidir. Ona görə də belə nikahlara yol verməmək tövsiyə olunur”.

Tədbirin sonunda iştirakçılarla mövzu ilə bağlı geniş fikir mübadiləsi aparıldı və onlara İSİM tərəfindən hazırlanaraq nəşr edilən maarifləndirici materiallar paylanıldı.