• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

22 FEVRAL 2018

Gənc qızlar arasında “Reproduktiv sağlamlıq və ailə planlaşdırılması” mövzusunda görüş keçirildi

22 fevral 2018-ci il tarixdə Binəqədi rayon gənclər evində “Reproduktiv sağlamlıq və ailə planlaşdırılması: mövcud problemlər və onların həlli” mövzusunda mühazirə keçirildi. Səhiyyə Nazirliyinin İctimai Səhiyyə və İslahatlar Mərkəzinin (İSİM) Azərbaycan Respublikasının Prezidenti yanında Bilik Fondu ilə birgə keçirdiyi tədbirin bu dəfəki auditoriyası gənc xanımlar, gələcəyin anaları oldu. 18 saylı Bakı Peşə Liseyi və Bakı Humanitar Kolecin tələbələrinin iştirakı ilə keçirilən tədbirdə gənclərin sağlamlıqlarını qorumaları üçün maariflənməyə olan ehtiyaclarından, məlumatsızlıqdan yaşana biləcək problemlərin ciddiliyindən danışıldı.

Tədbirdə məruzəçi olan İSİM-in həkim-metodisti, ginekoloq Afət Məmmədova reproduktiv sağlamlığın əsas aspektlərindən olan ailə planlaşdırılması, o cümlədən abortların qadın sağlamlığına mənfi təsirindən danışdı, seksual sağlamlığın möhkəmləndirilməsi, cinsi yolla yoluxan infeksiyalarla bağlı mübarizə metodları haqda məlumat verdi.

O, gənc qızlara, reproduktiv sağlamlığın qorunmasında vacib amillərdən olan ailə planlaşdırılması, arzuolunmaz hamiləliklərdən qorunma üsulları, müasir kontraseptivlərdən bəhs etdi. Həmçinin A.Məmmədova erkən yaşlarda nikaha daxil olan yeniyetmələrdə reproduktiv sağlamlıqla bağlı yaşanan problemlərdən  də söhbət acdı. O qeyd etdi ki, erkən yaşda hamiləlik, hamiləliyin pozulması və problemli doğuşlar dünyada ana və uşaq ölümünün əsas səbəblərindən biri hesab olunur. Məruzəçi problemin həlli ilə bağlı Ümumdünya Səhiyyə Təşkilatının (ÜST) qarşıya qoyduğu məqsədləri auditoriyanın diqqətinə çatdırdı.

Tədbirin sonunda iştirakçılara İSİM tərəfindən hazırlanmış maarifləndirici materiallar paylanıldı və mövzu ətrafında diskussiya aparıldı.