• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

19 YANVAR 2018

İSİM-in əməkdaşları 20 Yanvar şəhidlərinin əziz xatirəsini yad etdilər

Bu il xalqımızın həm faciəsi, həm də qəhrəmanlıq salnaməsi kimi yaddaşlara həkk olunan  20 Yanvar hadisəsindən 28 il ötür. 1990-cı ilin yanvar ayının 19-dan 20-nə keçən gecə Bakı şəhərində keçmiş Sovet İttifaqının qoşun hissələri tərəfindən dinc əhaliyə divan tutulmuş, yüzlərlə insan qətlə yetirilmiş, yaralanmış, itkin düşmüşdür.

Səhiyyə Nazirliyinin İctimai Səhiyyə və İslahatlar Mərkəzinin (İSİM) kollektivi 20 Yanvar faciəsinin ildönümündə şəhidlərimizi ehtiramla yad etdi. 19 yanvar 2018-ci il tarixdə İSİM-də keçirilmiş iclasda mərkəzin  direktoru Ceyhun Məmmədov şəhidlərimizi böyük ehtiramla anaraq bildirdi ki, Sovet imperiyası günahsız insanların qanını axıtsa da, azadlıq və suverenlik uğrunda cəsarətlə mübarizə aparan Azərbaycan xalqının iradəsini qıra bilmədi.

Daha sonra mərkəzin əməkdaşları şəhidlərimizin əziz xatirəsinə ucaldılmış abidəni ziyarət edərək, onun önünə əklil və gül dəstələri qoydular. Azərbaycanın müstəqilliyi və ərazi bütövlüyü uğrunda şəhid olanların əziz xatirəsi İSİM-in kollektivi tərəfindən dərin hüznlə bir dəqiqəlik sükutla yad olundu.