• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

14 İYUN 2017

Regionlarda səhiyyə sahəsində inzibati xətalara qarşı maarifləndirmə tədbirləri keçirilir

12-17 iyun 2017-ci il tarixdə Səhiyyə Nazirliyinin Mətbuat Xidmətinin dəstəyi ilə Səhiyyə Nazirliyinin İctimai Səhiyyə və İslahatlar Mərkəzi (İSİM) rayon mərkəzi xəstəxanalarında "Səhiyyə sahəsində inzibati xətalara qarşı maarifləndirmə tədbirləri" adlı görüşlər həyata keçirir. Hacıqabul, Göyçay və Ucar Mərkəzi Rayon Xəstəxanalarında təşkil olunan görüşlərdə çıxış edən İSİM-in baş hüquqşünası Səbuhi Abdullayev tibb işçiləri üçün səhiyyə sahəsində inzibati xətalara dair ətraflı məlumat verdi. İSİM-in mütəxəssisi bildirdi ki, bu tədbirlər Səhiyyə Nazirliyinin “İnzibati xətalara dair baxılan işlər üzrə icraatın gücləndirilməsi barədə” 10 fevral 2017-ci il tarixli əmrinin 3-cü bəndinə əsasən keçirilir. Səhiyyə sahəsində inzibati xətalara qarşı profilaktik tədbirlərin genişləndirilməsinin əhəmiyyətindən bəhs edən S. Abdullayev iştirakçıları maraqlandıran sualları cavablandırdı. O, qanunvericiliyin əhaliyə düzgün izah olunmasında təbliğat vasitələrinin, o cümlədən maarifləndirici tədbirlərin böyük əhəmiyyət daşıdığını vurğuladı.

Qeyd edək ki, İSİM-in mütəxəssisinin səhiyyə işçiləri ilə növbəti görüşləri Ağdaş və Gədəbəy Mərkəzi Rayon Xəstəxanalarında baş tutacaq. Eyni zamanda, bu ilin sonuna qədər Bakı şəhəri və respublikanın digər rayon mərkəzi xəstəxanalarında çalışan tibb işçiləri ilə yanaşı, ərazi üzrə səhiyyə müəssisələrinə müraciət edən əhalinin də iştirakı ilə maarifləndirici görüşlərin təşkili nəzərdə tutulur.