• İSİM-in nümayəndələri Ukraynada keçirilən “Tütünə qarşı mübarizə üzrə liderlik proqramı”nda iştirak edirlər
  • İSİM-də STEPS sorğusunda iştirak edəcək müsahibəçilər üçün təlimlər keçirilir
  • İSİM-in nümayəndələri “Gənclər arasında tütündən istifadənin qlobal tədqiqatı” layihəsi çərçivəsində növbəti seminarda iştirak edirlər
  • İSİM-in əməkdaşı ana və yeni doğulmuş uşaqların sağlamlığının qorunmasına dair beynəlxalq konfransda iştirak edir
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

6 İYUN 2017

22 saylı Uşaq Poliklinikasında maarifləndirici təlim təşkil olundu

6 iyun 2017-ci ildə Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən  “Uşaq və yeniyetmələrə qarşı yönəldilmiş zorakılıq hallarının qarşısının alınması” istiqamətində  maarifləndirici təlim keçirildi. Bakı şəhəri 22 saylı Uşaq Poliklinikasında təşkil olunan təlimdə tibb işçiləri və valideynlər iştirak edirdilər. İSİM-in mütəxəssisi Şəhla İsmayılova geniş təqdimatla çıxış edərək, uşaq və yeniyetmələrə qarşı yönəldilmiş zorakılıq hallarının qarşısının alınması üzrə metodik vəsait haqqında ətraflı məlumat verdi. Mütəxəssis təəssüflə bildirdi ki, Azərbaycanda bütün ailədaxili cinayət hadisələrinin 40 faizini uşaqlara qarşı zorakılıq halları təşkil edir və bu zorakılıq halları çox vaxt gizlədilir.

Təlimin yekununda iştirakçıları maraqlandıran suallar cavablandırıldı, valideynlərlə individual görüşlər keçirildi.

Xatırladaq ki, təlim Azərbaycan Respublikası Prezidentinin 24 noyabr 2011-ci il tarixli 537 nömrəli Fərmanının 1.2.4.-cü, 1.2.8-ci və 1.3.3-cü bəndlərinin icrası ilə bağlı “Məişət zorakılığının qarşısının alınması üzrə Azərbaycan Respublikası Səhiyyə Nazirliyinin Tədbirlər Planı”na uyğun olaraq təşkil edilmişdi.