Tbilisidə tütünlə mübarizə ilə bağlı qanunvericiliyin tətbiqinə həsr olunmuş seminar keçirilib | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

MEDİA VASİTƏLƏRİNDƏ bütün məqalələr

MEDİA VASİTƏLƏRİNDƏ / 21 NOYABR 2019

www.azertag.az

Tbilisidə tütünlə mübarizə ilə bağlı qanunvericiliyin tətbiqinə həsr olunmuş seminar keçirilib

Tütünə qarşı mübarizə haqqında Dünya Səhiyyə Təşkilatının (DST) Çərçivə Konvensiyasının Katibliyi və DST-nin Avropa Regional Bürosunun dəstəyi ilə noyabrın 19-20-də Gürcüstanın paytaxtı Tbilisidə tütünlə mübarizə ilə bağlı qanunvericiliyinin tətbiqinə dair seminar keçirilib.

Səhiyyə Nazirliyinin İctimai Səhiyyə və İslahatlar Mərkəzinin (İSİM) nümayəndələri – direktor müavini Rahib Məmmədov, ictimai sağlamlıq şöbəsinin müdiri Tofiq Musayev və baş hüquqşünas Fidan Rüstəmova seminarda iştirak ediblər.

Bu barədə AZƏRTAC-a İSİM-in səhiyyə kommunikasiyası şöbəsindən bildirilib.

Seminarın təşkilində əsas məqsəd – tütünlə mübarizəyə aid qanunvericiliyin tətbiqi ilə bağlı tələblərin artırılması və bu istiqamətdə görülən işlərin daha da gücləndirilməsi idi.

Nümayəndələr çıxış edərək, bu sahədə ölkələrində həyata keçirilən tədbirlər barədə ətraflı məlumat verib və əldə edilən uğurları bölüşüblər. Eyni zamanda, tütünə qarşı mübarizə siyasətində və qanunların icrasındakı boşluqların müəyyən edilməsi, qanunlara əməl edilməsinə mane olan səbəblər iştirakçılar tərəfindən geniş müzakirə olunub.

Azərbaycan, Moldova, Gürcüstan və digər ölkələrin nümayəndələrinin, beynəlxalq ekspertlərin iştirakı ilə keçirilən seminarda tütünlə mübarizəyə dair qəbul edilən qanunların icrasının təkmilləşdirilməsi, tütünlə mübarizə aparan ölkələr arasında qarşılıqlı əməkdaşlığın daha da genişləndirilməsi, tütünlə mübarizənin effektivliyi üçün səylərin birləşdirilməsi yolları nəzərdən keçirilib, səmərəli təkliflər verilib.

https://azertag.az/xeber/Tbiliside_tutunle_mubarize_ile_bagli_qanunvericiliyin_tetbiqine_hesr_olunmus_seminar_kechirilib-1357762