Beynəlxalq ekspertlər koronavirus infeksiyasının mənşəyi, yayılma tezliyi və profilaktikası ilə bağlı geniş təqdimatla çıxış ediblər | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

MEDİA VASİTƏLƏRİNDƏ bütün məqalələr

MEDİA VASİTƏLƏRİNDƏ / 5 MART 2020

www.azertag.az

Beynəlxalq ekspertlər koronavirus infeksiyasının mənşəyi, yayılma tezliyi və profilaktikası ilə bağlı geniş təqdimatla çıxış ediblər

Səhiyyə Nazirliyinin İctimai Səhiyyə və İslahatlar Mərkəzində (İSİM) martın 3-dən 5-dək “Reanimasiya/İntensiv terapiya və infeksion xəstəliklərin menecmenti” mövzusu üzrə keçirilən təlim çərçivəsində beynəlxalq ekspertlər yeni növ koronavirus (COVID-19) infeksiyası ilə bağlı geniş təqdimatla çıxış ediblər.

İSİM, Azərbaycan Tibb Universiteti və “Uptodate in Medicine” tərəfindən təşkil olunan təlimi ABŞ-ın Cosef xəstəxanasının pulmonoloqu, intensiv terapiya mütəxəssisi Stefen Hembel keçirib. Beynəlxalq təlimçi-ekspertlər, səhiyyə və ictimai səhiyyə mütəxəssislərinin iştirak etdiyi təlimdə ağır pasiyentlərin reanimasiyası və ilkin menecmenti, turşu-qələvi pozuntuları və intensiv terapiya ilə əlaqədar mövzularla yanaşı, infeksion xəstəliklər barədə ətraflı məlumat verilib.

Bu barədə AZƏRTAC-a Səhiyyə Nazirliyinin mətbuat xidmətindən bildirilib.

Sepsis, HİV, göbələk xəstəliklərinin müasir diaqnostikası, antimikrobial maddələr və yüksək müqavimət göstərən orqanizmlərdən söz açan Cənubi Karolina Universitetinin köməkçi professoru Cim Consonun koronavirus (COVID-19) infeksiyası barədə geniş təqdimatı dinlənilib. Virusun mənşəyi, yayılma tezliyi, diaqnostikası barədə ətraflı məlumat verən ekspert müxtəlif ölkələrdə aparılan profilaktik tədbirlərdən, səhiyyə işçilərinin və əhalinin virusdan qorunma vasitələrindən danışıb. Cim Conson qeyd edib ki, epidemiyaya qarşı görülən işlər qlobal, regional, milli səviyyədə həyata keçirilməli, xəstəxana siyasəti doğru aparılmalı və hər bir kəs gündəlik gigiyena qaydalarına düzgün əməl etməlidir. Əhalinin sıx olduğu məkanlarda gigiyena qaydalarına ciddi riayət etməyi tövsiyə edən ekspert xüsusi olaraq vurğulayıb ki, özündə qrip xəstəliyinin simptomlarını (qızdırma və öskürək, əzginlik, təngnəfəslik, diareya) müşayiət edən hər bir şəxs ilk növbədə yataq və istirahət rejiminə keçməli, zəruri olduğu halda ictimaiyyət arasına çıxdıqda qoruyucu maska taxmalı, ağırlaşma halları olduqda isə dərhal həkimə müraciət etməlidir.

Çıxış ətrafında geniş fikir mübadiləsi aparılıb, beynəlxalq ekspertlər tərəfindən iştirakçıları maraqlandıran suallar cavablandırılıb.

https://azertag.az/xeber/Beynelxalq_ekspertler_koronavirus_infeksiyasinin_menseyi_yayilma_tezliyi_ve_profilaktikasi_ile_bagli_genis_teqdimatla_chixis_edibler-1433415