01 avqust 2008-ci il tarixindən 01 fevral 2009-cu il tarixinədək Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən, Açıq Cəmiyyət İnstitutu-Yardım Fondunun (ACYF) dəstəyi ilə “Azərbaycanda icbari tibbi sığortanın perspektivləri mövzusunda” ictimai müzakirələrin təşkili” adlı layihə həyata keçirilmişdir.

Layihənin əsas məqsədi Azərbaycanda tətbiq olunacaq icbari tibbi sığorta (İTS) ilə bağlı maraqlı tərəflər arasında müzakirələrin və İTS-lə bağlı müəyyən qrup əhali arasında maarifləndirmə tədbirlərinin keçirilməsi olmuşdur. Layihə 6 ay ərzində reallaşdırılmışdır. Layihə çərçivəsində mövzu ilə bağlı Bakı şəhərində 23 oktyabr 2008-ci il tarixdə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzində “Azərbaycanda icbari tibbi sığortanın perspektivləri” mövzusunda konfrans keçirilib. Konfransda Milli Məclisin, Səhiyyə Sektorunda İslahatlar Layihəsinin İcra Qrupunun, Azərbaycan Respublikası Prezidenti yanında QHT-lərə Dövlət Dəstəyi Şurasının, ACİYF-in, USAİD maliyyələşdirdiyi İlkin Səhiyyə Xidmətlərinin Gücləndirilməsi Layihəsinin, Rostropoviç-Vişnevskaya Fondunun, A Grup və Standart Insurance sığorta şirkətlərinin, “Sağlamlığa Çağırış” Koalisiyasının, İqtisadi Təşəbbüslərə Yadım Mərkəzinin, digər QHT və media vasitələrinin nümayəndələri iştirak ediblər.

01 fevral 2009-cu il tarixində Siyəzən şəhərində də yerli tibb personalının iştirakı ilə eyni mövzuda dəyirmi masa keçirilmişdir.

İTS haqqında əsas məlumatları özündə əks etdirən “8 sual, 8 cavab” adında informativ maarifləndirici xarakterli bukletlər nəşr olunmuşdur. Layihəni həyata keçirilməsində, PR işləri ilə bağlı “Ekspert” jurnalı İSİM-in tərəfdaşı kimi çıxış edib.