• İncəsənət xadimləri, KİV nümayəndələrinin iştirakı ilə “Hər günün tütünsüz olsun!” mövzusunda dəyirmi masa keçirildi
  • İSİM-in nümayəndələri Türkmənistanda keçirilən Ümumdünya Səhiyyə Təşkilatının konfransında iştirak etdilər
  • Azərbaycanda tütünlə mübarizə sahəsində dövlət-özəl sektor tərəfdaşlığının əhəmiyyətinə həsr olunmuş dəyirmi masa keçirildi
  • “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi

İcra edİlmİş layİhələr bütün layİhələr

“Azərbaycanda ailə planlaşdırılması xidmətlərindən istifadənin qiymətləndirilməsi” layihəsi YENİLƏNİB: 30 NOYABR 2011

Beynəlxalq Planlaşdırılmış Valideynlik Federasiyasının Avropa Şəbəkəsi (IPPF-EN) orta gəliri olan yeddi ölkədə, o cümlədən Azərbaycanda əhalinin ailə planlaşdırılması və reproduktiv sağlamlıq vasitələrilə təmin olunmasını təhlil etmək qərarına gəlmişdir.

Tədqiqat BMT-nin Əhali Fondunun Şərqi Avropa-Orta Asiya Regional Ofisinin (UNFPA EECARO) və Beynəlxalq Planlaşdırılmış Valideynlik Federasiyasının Avropa Şəbəkəsinin (IPPF-EN) birgə təşəbbüsü olaraq BMT-nin Əhali Fondu tərəfindən maliyyələşdirilir və IPPF-EN-in Qazaxıstan, Bosniya, Bolqarıstan, Makedoniya, Serbiya və Ermənistanda əməkdaşlıq etdiyi qeyri-hökumət təşkilatları tərəfindən həyata keçirilir. Azərbaycanda təşkilat bu tədqiqatı Səhiyyə Nazirliyinin İctimai Səhiyyə və İslahatlar Mərkəzi ilə (İSİM) birgə layihə şəklində aparır. Layihənin həyata keçirilməsilə əlaqədar İSİM-in əməkdaşları Teymur Hüseynov və Gülnarə Hacızadə iyulun 4-8-də Serbiyanın Belqrad şəhərində keçirilən təlimdə iştirak ediblər. Təlimin gedişində adları sadalanan ölkələrin nümayəndələri ailə planlaşdırılması xidmətlərindən istifadə imkanlarını təhlil edərək nəzərdə tutulan layihənin yanaşmalarını müəyyənləşdiriblər. Eləcə də layihənin bəzi texniki aspektləri nəzərdən keçirilib.

“Ailə planlaşdırılması xidmətlərindən istifadənin qiymətləndirilməsi” layihəsinin əsas məqsədi əhalinin müasir kontraseptiv üsullardan istifadəsinin aşağı səviyyədə olmasının səbəblərini öyrənmək və müasir kontrasepsiyaya əhalinin əlçatanlığının artırılmasını məqsəd qoyan müvafiq strategiyanın işlənməsi üçün lazım olan informasiyanı əldə etməkdir. Layihə çərçivəsində 2011-ci il avqustun 22-23-də İctimai Səhiyyə və İslahatlar Mərkəzində sorğu aparanlar üçün təlim keçirilib. Sentyabr-noyabr aylarında fokus qrup müzakirələri və hədəf auditoriya arasında sorğu aparılıb. Bakı, Quba və Xaçmazda 10 fokus qrup üzrə müzakirələr təşkil olunub və 25 müsahibə götürülüb. Fokus qrup müzakirələri reproduktiv yaşda olan kişilər və qadınlar, eləcə də gənclər arasında aparılıb.

Sorğuda maraqlı tərəflər səhiyyə işçiləri və səhiyyə sistemində rəhbər işçilər, icma liderləri, qadın təşkilatlarının rəhbərləri, əczaçılıq kompaniya və donor təşkilatlarının nümayəndələri olub. Hazırda əldə edilən materialların təhlil prosesi gedir.

Dekabrın əvvəlində sorğuda iştirak edən ölkələrin nümayəndələrinin Türkiyənin İstanbul şəhərində toplantısı nəzərdə tutulur. Burada iştirakçılar sorğu nəticələri ətrafında fikir mübadiləsi aparacaqlar və nəticələr UNFPA-nın regional ofisinin nümayəndələrinə təqdim ediləcək, gələcək strategiya üçün əsas istiqamətlər müəyyənləşdiriləcəkdir.

Tədqiqatın nəticələri Azərbaycanda ailə planlaşdırılması üzrə müvafiq proqramların BMT-nin Əhali Fondu tərəfindən tərtib edilməsində istifadə olunacaqdır.

LAYİHƏ ÜZRƏ MƏSULİYYƏTLİ ŞƏXS: Teymur Hüseynov

ƏLAQƏ: [email protected]