• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

10 APREL 2017

“Məktəbli uşaqlar arasında sağlam vərdişlərin tədqiqi” sorğusuna start verildi

Azərbaycanda ilk dəfə “Məktəbli uşaqlar arasında sağlam vərdişlərin tədqiqi” ilə bağlı sorğuya başlanıldı. Məktəblilərin sağlamlıq vəziyyətinin qiymətləndirilməsi və onların səhhətinə zərərli təsir göstərən amillərin  aşkar edilməsi məqsədilə aparılan sorğuda şagirdlər 60-dan çox suala cavab verəcəklər. 11-14 apreldə həyata keçirilən pilot layihədə Bakı şəhərində və Xızı rayonunda yerləşən tam orta məktəblərin  5, 7 və 9-cu sinif şagirdlərinin  iştirakı nəzərdə tutulub. Sorğunun növbəti mərhələsi 18-21 apreldə Sumqayıt şəhər məktəbliləri arasında keçiriləcək.

“Azərbaycan Respublikasında qeyri-infeksion xəstəliklərə qarşı mübarizəyə dair 2015-2020-ci illər üzrə Strategiya”ya və “Azərbaycan Respublikası Səhiyyə Nazirliyinin 2014-2020-ci illər üçün Strateji Planı üzrə Fəaliyyət planı”nın 4.2-ci bəndinə əsasən təşkil olunan sorğu Səhiyyə Nazirliyinin İctimai Səhiyyə və İslahatlar Mərkəzi tərəfindən  Azərbaycan  Respublikası Təhsil Nazirliyinin dəstəyi ilə aparılır.   

Ümümdünya Səhiyyə Təşkilatının metodologiyasına uyğun olaraq həyata keçiriləcək sorğuda ümumilikdə 1350 şagirdin qatılması nəzərdə tutulur və layihəyə Azərbaycan bölməsində təhsil alan şagirdlərlə yanaşı, rus bölməsinin şagirdləri də cəlb ediləcəklər.  Sorğu tamamlandıqdan sonra aprel ayının axırında əldə edilmiş məlumatlar xüsusi olaraq IBM şirkətinin SPSS kompyuter proqramı vasitəsi ilə təhlil ediləcək və nəticələr əsasında hesabat hazırlanacaq. Sorğunun nəticələri Səhiyyə Nazirliyi, Təhsil Nazirliyi, müvafiq dövlət qurumları, mətbuat nümayəndələri, təhsil və səhiyyə mütəxəssislərinin iştirakı ilə bu ilin mayında geniş müzakirə olunacaq, bu istiqamətdə verilən təklif və tövsiyələr nəzərdən keçiriləcək.