• Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM-də "Yenidoğulmuşların reanimasiyası" üzrə növbəti praktik təlimlər keçirilir
  • Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

22 İYUN 2016

İSİM-də Əməkdaşlıq Sazişi imzalandı

22 iyun 2016-cı il tarixdə İSİM-də Azərbaycan Respublikasının Prezidenti yanında Bilik Fondu ilə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM) arasında Əməkdaşlıq Sazişi imzalandı. Hər iki qurumun rəhbərliyinin imza atdığı Sazişin məqsədi 5 il müddətinə ölkə əhalisinin tibbi maarifləndirilməsi və sağlam həyat tərzinin təbliği istiqamətində qarşılıqlı əməkdaşlıq cəhdlərini dəstəkləmək və bu əməkdaşlığı inkişaf etdirməkdir.

Saziş çərçivəsində gənclər arasında erkən nikahların və zərərli vərdişlərin insan orqanizminə mənfi təsiri, infeksion və qeyri-infeksion xəstəliklərin qarşısının alınması və risk amillərinin aradan qaldırılması, sağlam həyat tərzi və sağlam qidalanma və s. kimi mövzularda tibbi maarifləndirmə tədbirləri (mühazirələr, təlimlər, dəyirmi masalar və s.) təşkil olunacaq. Bütün bu tədbirlər Bilik Fondu tərəfindən yaradılmış bilik evlərində, şəhər və rayon təhsil müəssisələrində, digər idarə və təşkilatlarda həyata keçiriləcək və media vasitəsilə  əhaliyə çatdırılacaq.

İSİM-in əhalinin müxtəlif təbəqələri arasında daimi olaraq maarifləndirmə apardığını bildirən direktor Ceyhun Məmmədov, bu işi çox vacib saydığını və iki qurum arasında yaradılan əməkdaşlıqdan məmnun olduğunu, Saziş nəticəsində həyata keçiriləcək maarifləndirmə işinin daha da səmərəli olacağına əminliyini vurğuladı. 

Bilik Fondunun icraçı direktoru Oktay Səmədov iki tərəfli əməkdaşlığın təməlinin qoyulmasına görə İSİM-in rəhbərliyinə təşəkkür etdi, bu işbirliyi nəticəsində  əhalinin tibbi maarifləndirilməsində olan boşluqları aradan qaldırmağa nail olunacağına ümidvar olduğunu bildirdi.