• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

30 NOYABR 2015

Neonatal qayğı üzrə təlimçilər üçün təkmilləşdirmə təliminə başlanıldı

2015-ci il noyabrın 30-da Səhiyyə Nazirliyinin İctimai Səhiyyə və İslahatlar Mərkəzində (İSİM) Neonatal qayğı üzrə təlimçilər üçün təkmilləşdirmə təliminə başlanıldı. Təlim antenatal yardım xidməti göstərən tibb müəssisələrinin 20 aparıcı neonatoloqu üçün beynəlxalq mütəxəssislər tərəfindən keçirilir.

Təlimdə neonatologiyada istifadə edilən yeni texnologiyalara və yenidoğulmuşlarda tez-tez rast gəlinən xəstəliklərin, xüsusilə də təcili və təxirəsalınmaz halların profilaktikası, erkən diaqnostikası və müalicəsinə dair ən müasir məlumatlar və onların simulyasiyalar zamanı təcrübədə tətbiqi öyrədiləcək.

Təlimi ABŞ-dan xüsusi dəvət olunmuş mütəxəssislər Skott Qatri və Meri Li Lemley aparırlar. Prof. Skott Qatri ABŞ-ın Tennessi ştatının Neşvill şəhərinin Vanderbilt Universitetində neonatologiya üzrə klinik dosent vəzifəsində çalışır. Dr. Meri Li Lemley isə ABŞ-ın Vanderbilt Universitetinin regional pedaqoqu kimi fəaliyyət göstərir və  yenidoğulmuşların intensiv terapiyası üzrə təlimlərin keçirilməsində çoxillik təcrübəyə malikdir. Hər iki təlimçi Vanderbilt Universitetinin Uşaq Xəstəxanasının neonatal reanimasiya şöbəsində işləyir.

“Ana və uşaqların sağlamlığının yaxşılaşdırılmasına dair 2014-2020-ci illər üçün Dövlət Proqramı”nın həyata keçirilməsi üzrə Səhiyyə Nazirliyinin Tədbirlər Planının 3.2-ci bəndinə əsasən keçirilən təlim dekabrın 4-dək davam edəcək.