İSİM-in direktoru Cenevrədə keçirilən ticarət və ictimai səhiyyə üzrə seminarda iştirak etdi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

2 NOYABR 2015

İSİM-in direktoru Cenevrədə keçirilən ticarət və ictimai səhiyyə üzrə seminarda iştirak etdi

2015-ci il oktyabrın 26-30-da İsveçrənin Cenevrə şəhərində ticarət və ictimai səhiyyə üzrə seminar keçirildi. Ümumdünya Ticarət Təşkilatı, Ümumdünya Əqli Mülkiyyət Təşkilatı və Ümumdünya Səhiyyə Təşkilatı tərəfindən keçirilən seminarda Səhiyyə Nazirliyinin İctimai Səhiyyə və İslahatlar Mərkəzinin (İSİM) direktoru Ceyhun Məmmədov iştirak etdi.

Seminarda ölkə nümayəndələri səhiyyə, ticarət və əqli mülkiyyət arasında qarşılıqlı əlaqənin yaradılması istiqamətində öz təcrübələrini bölüşdülər. Həmçinin ticarət və ictimai səhiyyə arasında qarşılıqlı fəaliyyətin qurulmasında birgə iş və gələcək addımlar müzakirə olundu. Müzakirələrdə farmasevtik sənaye siyasəti, dərman preparatlarının yerli istehsalı, yeni texnologiyalara çıxış imkanları, tibb texnologiyaları iqtisadiyyatında innovativ yanaşmalarda əməkdaşlıq əlaqələrinə də diqqət çəkildi.

Seminar zamanı İSİM-in direktoru C.Məmmədov “İctimai səhiyyə, əqli mülkiyyət və əqli mülkiyyət hüquqlarının ticari aspektləri: innovasiyalar və dərman vasitələrinə əlçatanlıq, keçmişdən öyrənilənlər, gələcəyə ümidlə” mövzusunda simpoziumda da iştirak etdi. Ümumdünya Ticarət Təşkilatı, Ümumdünya Əqli Mülkiyyət Təşkilatı və Ümumdünya Səhiyyə Təşkilatı tərəfindən keçirilən simpoziumun açılışında hər üç təşkilatın baş direktoru nitq söylədi. Simpoziumda ictimai səhiyyədə əqli mülkiyyət hüquqlarından, məcburi və könüllü lisenziya müqavilələrindən istifadənin rolu daxil olmaqla, tibbi texnologiyalarda ticarət, patent, innovasiya və əlçatanlıq arasında mürəkkəb əlaqələr barədə məlumat verildi. Səhiyyə sahəsində beynəlxalq, xeyriyyə və vətəndaş cəmiyyəti təşkilatlarının ekspertlərinin iştirak etdiyi nüfuzlu simpozium hökumətlərə və maraqlı tərəflərə məlumat mübadiləsi və əməkdaşlıq istiqamətində öz töhfəsini verdi.