• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

13 İYUL 2015

İSİM-in nümayəndələri “İctimai səhiyyədə simulyasiya tapşırıqlarının yaradılması, həyata keçirilməsi və qiymətləndirilməsi üzrə praktik kurs” mövzusunda keçirilən beynəlxalq təlimdə iştirak etdilər

2015-ci il iyulun 7-dən 9-na kimi İsveçin paytaxtı Stokholmda “İctimai səhiyyədə simulyasiya tapşırıqlarının yaradılması, həyata keçirilməsi və qiymətləndirilməsi üzrə praktik kurs” mövzusunda təlim keçirildi. Avropa Xəstəliklərin Profilaktikası və Nəzarəti Mərkəzinin (ECDC) təşkil etdiyi təlimdə Azərbaycandan Səhiyyə Nazirliyinin İctimai Səhiyyə və İslahatlar Mərkəzinin (İSİM) direktor müavini Rahib Məmmədov və Tibbi keyfiyyət standartları şöbəsinin həkim-metodisti Teymur Hüseynov iştirak etdilər.

Təlim iştirakçılara təmsil etdikləri ölkələrin ictimai səhiyyə sahəsində fövqəladə hallar zamanı simulyasiya tapşırıqlarının yaradılması, keçirilməsi və qiymətləndirilməsi ilə bağlı bilik və təcrübə qazandırdı.

İctimai səhiyyədə simulyasiya tapşırıqları fövqəladə hallara hazırlıq səviyyəsinin yüksəldilməsini təmin edən faydalı alətlərdəndir. Səhiyyə təşkilatlarına simulyasiya tapşırıqlarının yaradılması, planlaşdırılması, əlaqələndirilməsi, həyata keçirilməsi və qiymətləndirilməsində kömək məqsədilə Avropa Xəstəliklərin Profilaktikası və Nəzarəti Mərkəzi tərəfindən texniki sənəd hazırlanıb. Bu sənəd ictimai səhiyyə sahəsində simulyasiya tapşırıqlarının yerinə yetirilməsində və idarə edilməsində ümumi bələdçi rolunu oynayır.