• 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • Şagirdlər ətraf mühitin insan sağlamlığına təsiri barədə maarifləndirildilər
  • İncəsənət Kollecinin tələbələrinə reproduktiv sağlamlıq və erkən nikahların fəsadları barədə məlumat verildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

22 İYUN 2015

İSİM-in nümayəndəsi Yaponiyada keçirilmiş təlim proqramında iştirak etdi

Yaponiyanın tibbi təhsil və elm müəssisələri Azərbaycanın müvafiq müəssisələri ilə əməkdaşlığın qurulmasında maraqlıdır.

Azərbaycan Respublikası ilə Yaponiya arasında əməkdaşlıq bütün istiqamətlərdə xeyli müddətdir ki, qurulub və inkişaf etdirilir. O cümlədən Səhiyyə Nazirliyi ilə Yaponiya hökuməti arasında bir sıra əməkdaşlıq proqramları, layihələr həyata keçirilib. Yaponiyanın Beynəlxalq İnkişaf Agentliyinin dəvəti ilə 2015-ci il mayın 10-dan iyunun 14-dək Səhiyyə Nazirliyinin İctimai Səhiyyə və İslahatlar Mərkəzinin (İSİM) mütəxəssisi Nabil Seyidov Yaponiyada bir aylıq beynəlxalq təlim proqramında iştirak etdi. Azərbaycan mütəxəssisi ilə yanaşı, Serbiya, Özbəkistan, Honduras, Tonqa, Şri-Lanka və digər ölkələrin səhiyyə mütəxəssislərinin də iştirak etdiyi təlim proqramının mövzusu “Həyat tərzi ilə əlaqəli (qeyri-infeksion) xəstəliklərin profilaktikası” idi.

Təlim proqramı çərçivəsində iştirakçılar Yaponiyanın aparıcı tibb və elmi mərkəzlərinin fəaliyyəti ilə yaxından tanış olub təcrübə qazandılar. Təlimdə Yaponiyanın səhiyyə sistemlərinin vəziyyəti barədə geniş məlumat verildi. Eləcə də ürək-damar və beyin-damar xəstəliklərinin qarşısının alınmasında Yaponiyanın həyata keçirdiyi fəaliyyətə nəzər salındı. Həmçinin Yaponiyada uşaqların qidalanması, gənclər və yaşlılar arasında sağlam həyat tərzinin təbliği istiqamətində qəbul edilmiş inkişaf proqramlarından bəhs edildi.

Azərbaycan və inkişaf etməkdə olan ölkələrin əksəriyyətində ürək-damar xəstəliklərindən ölüm hallarının çəkisi daha çoxdur. Bunu nəzərə alaraq, “Həyat tərzi ilə əlaqəli xəstəliklərin profilaktikası” mövzusunda keçirilmiş təlimdə iştirak Azərbaycan səhiyyəsi üçün çox faydalı oldu. Təlim proqramının nəticəsi olaraq, Səhiyyə Nazirliyinin müxtəlif qurumları, o cümlədən İSİM tərəfindən həyat tərzi ilə əlaqəli xəstəliklərin profilaktikası məqsədilə daha geniş təbliğat və maarifləndirmə proqramlarının hazırlanması planlaşdırılır.