• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

3 İYUN 2015

“Obsessiv-kompulsiv pozuntuların diaqnostikası və müalicəsi üzrə klinik protokol” Səhiyyə Nazirliyi tərəfindən təsdiq edildi

Səhiyyə Nazirliyinin İctimai Səhiyyə və İslahatlar Mərkəzində (İSİM) hazırlanmış növbəti klinik protokol Səhiyyə Nazirliyinin Kollegiyasının 21 may 2015-ci il tarixli 23 saylı qərarı ilə təsdiq edildi.

Qabaqcıl tibb mütəxəssislərinin tərtib etdiyi “Obsessiv-kompulsiv pozuntuların diaqnostikası və müalicəsi üzrə klinik protokol” ilkin səhiyyə sahəsində işləyən sahə həkimləri, ailə həkimləri və həkim-psixiatrlar üçün nəzərdə tutulub. Klinik protokol obsessiv-kompulsiv pozuntuları olan pasiyent qrupunu əhatə edir.

Protokol obsessiv-kompulsiv pozuntuların diaqnostika və müalicəsinin təkmilləşdirilməsi, erkən aşkar edilmə səviyyəsinin yüksəldilməsi, müəyyən olunmuş psixopatoloji simptomların aradan qaldırılması, bu simptomlarla olan xəstələrin həyat keyfiyyətinin və sosial adaptasiyasının yaxşılaşdırılması üzrə sübutlu təbabətə əsaslanan müasir metodik tövsiyələrin verilməsi məqsədini daşıyır.

“Obsessiv-kompulsiv pozuntuların diaqnostika və müalicəsi üzrə klinik protokol” xüsusi tibbi müdaxilələrin səmərəliliyi ilə əlaqədar olan ən etibarlı elmi məlumatlar əsasında tərtib olunub. Protokolun hazırlanmasında Amerika Psixiatriya Assosiasiyası (American Psychiatric Association), Kanada Psixiatriya Assosiasiyası (Сanadian Psychiatric Association), Böyük Britaniyanın Sağlamlıq və Keyfiyyətli Tibbi Yardım Dövlət İnstitutu (National Institute for Health and Clinical Excellence, NICE) kimi mənbələrin tədqiqatlarının nəticələrindən istifadə edilib.