• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

21 MAY 2015

Fövqəladə Hallar Nazirliyinin Akademiyasının kursantları narkomaniyanın profilaktikası ilə bağlı məlumatlandırıldılar

2015-ci il mayın 21-də Fövqəladə Hallar Nazirliyinin Akademiyasında narkomaniyanın profilaktikası ilə bağlı keçirilən tədbirdə Səhiyyə Nazirliyinin İctimai Səhiyyə və İslahatlar Mərkəzinin (İSİM) həkim-metodisti Rüfət Rəhimov təqdimat etdi.

Təqdimatda bəşəriyyətin ən böyük bəlalarından olan narkomaniyanın cəmiyyətin mənəvi və əxlaqi dəyərlərinə böyük zərbə vurduğu, sosial-iqtisadi inkişafa mənfi təsir göstərdiyi, insanların həyat və sağlamlıqlarına ciddi təhlükə yaratdığı nəzərə çatdırıldı. Həmçinin narkomaniya, narkotik maddələr tarixən təbabətdə, narkotikin fəsadları, vacib faktlar, narkotik maddələrin qrupları, onların qəbulunun əsas səbəbləri, təsiri, istifadə əlamətləri, pedaqoji sayıqlıq, davranış dəyişməsi, statistika, qanunlar və mübarizə yolları haqqında ətraflı məlumat verildi. Eləcə də narkomaniyanın profilaktikası məqsədilə təqdimatların, mədəni-kütləvi aksiya və təşviqat kampaniyalarının keçirilməsinin, bununla da sağlam həyat tərzinin təbliğ edilməsinin vacibliyi vurğulandı.

“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Azərbaycan Respublikası Səhiyyə Nazirliyinin Tədbirlər Planına uyğun olaraq keçirilən tədbirdə kursantları maraqlandıran suallar cavablandırıldı, İSİM tərəfindən hazırlanmış maarifləndirmə materialları paylanıldı.