• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

12 MART 2010

“Tütünlə mübarizə yolları” mövzusunda praktiki təlim

2010-cu il 11-12 mart tarixlərində İctimai Səhiyyə və İslahatlar Mərkəzində Blumberq Təşəbbüsü Fondu tərəfindən maliyyələşdirilən “Azərbaycanda Tütünlə Mübarizə üzrə Milli Strategiyanın Hazırlanması” layihəsi çərçivəsində “Tütünlə mübarizə yolları” mövzusunda 2 günlük praktiki təlim keçirildi.

Məşğələlər Azərbaycan Səhiyyə Kommunikasiyası Assosiasiyasının nümayəndəsi Gülnarə Axundova tərəfindən aparıldı.

Tədbirin I günündə, təlimin formatı təqdim edildikdən sonra dünyada tütün epidemiyası, Ümumdünya Səhiyyə Təşkilatı tərəfindən verilən ümumi statistik məlumatlar iştirakçıların diqqətinə çatdırıldı. Daha sonra isə “rəqibinlə mübarizə etmək üçün onu yaxından tanı” devizi ilə iştirakçıların diqqətini cəlb edən təlimçi tütünün yaranma tarixi, növləri və marketinq gücü barəsində iştirakçılara ətraflı məlumat verdi. Daha sonra iştirakçılar “məlumatlandırma”, “qanun” və “bazar” adlı üç qrupa bölünərək tütünlə mübarizəni müxtəlif aspektlərdən müzakirə edib bu barədə birgə rəylərini təqdim etdilər.

Tədbirin II günündə isə təlimçi tütünlə mübarizədə ictimai vəkilliyin və davranışın dəyişdirilməsində kommunikasiyanın rolu barədə iştirakçıları məlumatlandırdı. Daha sonra iştirakçılar qruplara bölündü və onlara tütünlə mübarizə sahəsində hər hansı problemə dair məqsədlərini müəyyənləşdirmək və ona uyğun fəaliyyət planını hazırlamaq tapşırıldı. Qrup işləri təqdim olunduqdan sonra fəaliyyət planlarının güclü və zəif cəhətləri müzakirə olundu.

Təlimin sonunda iştirakçılar sertifikatlarla təltif olundu.

Təlimdə Vergilər Nazirliyi, Ailə, Qadın və Uşaq Problemləri üzrə Dövlət Komitəsi, Ombudsman aparatı, İqtisadi Tədqiqatlar Mərkəzi, Azərbaycan Qızıl Aypara Cəmiyyəti, İctimai Səhiyyə və İslahatlar Mərkəzi, İqtisadi və Sosial İnkişaf Mərkəzin, Sağlamlığa Çağırış Alyansı, Həkim Təbib və Tələbələr Birliyi, Azərbaycan Səhiyyə Kommunikasiyası Assosiasiyasının nümayəndələri və o cümlədən 4 saylı məktəbin müəllimi iştirak etdi.