• İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • “Hemofiliyanın müalicəsində yeni yanaşmalar” mövzusunda elmi-praktik seminar keçirildi
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi
  • “Ümumdünya ana südü ilə qidalandırma həftəsi” qeyd olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

26 DEKABR 2014

Sumqayıtda “Uşaqların icbari dispanserizasiyası çərçivəsində ən çox yayılmış uşaq xəstəliklərinin profilaktikası, erkən aşkarlanması və diaqnostikası” mövzusunda pilot təlim kursu keçirildi

Azərbaycan Respublikası Səhiyyə Nazirliyinin əmri ilə təsdiq edilmiş “Uşaqların icbari dispanserizasiyadan keçirilməsinə dair Dövlət Proqramının həyata keçirilməsi üzrə Azərbaycan Respublikası Səhiyyə Nazirliyinin Tədbirlər Planı"nın 4.1-ci bəndinə əsasən uşaqların dispanserizasiyasını həyata keçirən ilkin səhiyyə işçiləri üçün xəstəliklərin erkən aşkarlanması və müalicəsi üzrə keyfiyyət standartları və klinik protokollar əsasında təlimlərin keçirilməsi nəzərdə tutulub.

Bu məqsədlə Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən icra edilən pilot layihə çərçivəsində İSİM, Əziz Əliyev adına Azərbaycan Dövlət Həkimləri Təkmilləşdirmə İnstitutu və K.Fərəcova adına Elmi-Tədqiqat Pediatriya İnstitutunun nümayəndələrindən ibarət təlimçilər qrupu yaradılıb və uşaqların icbari dispanserizasiyasının təşkili məsələlərini, habelə dispanserizasiya çərçivəsində ən çox yayılmış uşaq xəstəliklərinin profiaktikası, erkən aşkarlanması və diaqnostikasını əhatə edən iki günlük təlim kursunun gündəliyi və təqdimatlar hazırlanıb.

Layihə çərçivəsində ilk pilot təlim 2014-cü il dekabrın 24-25-də Sumqayıtda fəaliyyət göstərən Uşaq Xəstəxanası və beş uşaq poliklinikasının 24 pediatrı üçün keçirildi.

Pilot təlimin nəticələri əsasında layihənin ikinci mərhələsində Bakı, Gəncə və Mingəçevirdə hər birində 25 nəfər olmaqla, iki günlük təlimlərin təşkili planlaşdırılıb.