• İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • “Hemofiliyanın müalicəsində yeni yanaşmalar” mövzusunda elmi-praktik seminar keçirildi
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi
  • “Ümumdünya ana südü ilə qidalandırma həftəsi” qeyd olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

17 İYUN 2014

“Siqaret çəkməkdənsə, FİLM çək!” devizi altında həyata keçən 2-ci “No Smoking” Film Festivalının qalibləri müəyyən olundu

2014-cü il iyunun 17-də “Metropark” AVM-də yerləşən “Park Cinema”da Azərbaycan Respublikasının Prezidenti yanında Gənclər Fondu, AR Gənclər və İdman Nazirliyi, Səhiyyə Nazirliyinin İctimai Səhiyyə və İslahatlar Mərkəzinin (İSİM) dəstəyilə “ADDIM” Yaradıcı Gənclər Assosiasiyası tərəfindən artıq ikinci dəfə gerçəkləşən və “31 may – Ümumdünya Tütünsüz Günü”nə həsr olunmuş “No Smoking Film Festivalı”nın qala gecəsi keçirildi.

17 iyun – Tibb İşçilərinin Peşə Bayramı Günündə keçirilən və Tütünlə Mübarizə üzrə Milli Koalisiyanın üzvləri, dövlət, beynəlxalq və qeyri-hökumət təşkilatları, İSİM, “Addım” Yaradıcı Gənclər Assosiasiyasının nümayəndələrinin, həmçinin ölkənin tanınmış simalarının iştirak etdiyi mükafatlandırma mərasimində tütünçəkmə əleyhinə qisametrajlı filmlər nümayiş olundu.

“Siqaret çəkməkdənsə, FİLM çək!” devizi altında təqdim olunmuş filmlərin əsas məqsədi əhalinin diqqətini zərərli vərdiş olan tütünçəkmədən imtinaya yönəltmək idi. Filmlərin nümayişindən sonra “Eurovision” Mahnı Müsabiqəsi – 2011-in qalibi Eldar Qasımov və ukraynalı məşhur müğənni Andrey Yuretsin iştirakı ilə musiqi fasiləsi oldu. Daha sonra peşəkarların təmsil etdiyi münsiflər heyəti tərəfindən qaliblər müəyyən edildi.

Festival iştirakçıları diplomlarla təltif olundu. 1-ci “No Smoking” Film Festivalının qalibi Nərmin Knyazlı “Qran-Pri”ni Elçin Telmanoğluna təqdim etdi. Elvin Abdullayev “Ən yaxşı rejissor işi”, Fidan Cəfərova “Ən yaxşı aktyor işi”, İbrahim Baxşıyev “Ən orijinal film” və Cavanşir Eladisoy “Ən yaxşı ideya” nominasiyası üzrə qalib oldular.