• Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM-də "Yenidoğulmuşların reanimasiyası" üzrə növbəti praktik təlimlər keçirilir
  • Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

29 MAY 2014

İSİM-in ictimai səhiyyənin müxtəlif mövzuları üzrə ali və orta məktəblərdə növbəti təqdimatlarına yekun vuruldu

Səhiyyə Nazirliyinin İctimai Səhiyyə və İslahatlar Mərkəzinin (İSİM) ictimai səhiyyənin müxtəlif mövzuları üzrə ali və orta məktəblərdə növbəti təqdimatlarına yekun vuruldu. İSİM-lə Təhsil Nazirliyinin əməkdaşlığı sayəsində 2014-cü il fevral-may aylarını əhatə edən təqdimatların məqsədi “Azərbaycan gəncliyi 2011-2015-ci illərdə” Dövlət Proqramı”nın həyata keçirilməsi, “Məişət zorakılığının qarşısının alınması haqqında” Azərbaycan Respublikasının Qanununun həyata keçirilməsi və “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Azərbaycan Respublikası Səhiyyə Nazirliyinin Tədbirlər Planının icrasını təmin etmək idi.

İSİM-in mütəxəssisləri tərəfindən aparılan təqdimatlar 35 təhsil müəssisəsi üzrə 2155 şagird və tələbəni əhatə etdi.

“Tütünsüz həyat: Sən özün yarat!” mövzusunda təqdimatlarda tütünçəkmənin insan sağlamlığına ziyanları, təhlükələri və tütünçəkmə nəticəsində yaranan xəstəliklər, tütünçəkmə ilə mübarizə istiqamətlərindən söhbət açıldı, tələbələrin və şagirdlərin sualları ətrafında fikir mübadiləsi aparıldı. Sağlam qidalanma və fiziki aktivliyə davamlı, planlaşdırılmış və sistematik yanaşma, zərərli vərdişlərdən uzaq olma, içməli suyun faydaları, ümumiyyətlə, sağlam həyat tərzinin təbliği, ətraf mühitin mühafizəsi, məişət zorakılığının və narkomaniyanın mənfi tibbi-psixoloji nəticələrinin izah edilməsinə və qarşısının alınmasına yönəlmiş təqdimatlar da tələbələr və şagirdlər tərəfindən maraqla qarşılandı. Mövzularla əlaqədar qısametrajlı film və videoçarxların nümayişi əsasında tələbələr və şagirdlər təəssüratlarını bölüşdülər.

Maarifləndirici məqsəd daşıyan və interaktivlik əsasında qurulan təqdimatlarda məruzəçilər tələbələri və şagirdləri sağlam həyat tərzini seçməyə çağırdılar.

Təqdimatların sonunda əhalinin maarifləndirilməsi istiqamətində İSİM-in həyata keçirdiyi tədbirlərdən və çap olunan nəşrlərdən söz açıldı, bukletlər, qələm, məlumatlandırıcı nişan paylanıldı və xatirə şəkilləri çəkildi.