• Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM-də "Yenidoğulmuşların reanimasiyası" üzrə növbəti praktik təlimlər keçirilir
  • Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

16 MAY 2014

Rəşid Behbudov adına Dövlət Mahnı Teatrında İİV/QİÇS-dən vəfat etmiş insanların xatirəsinə həsr olunmuş konsert keçirildi

Hər il mayın üçüncü bazar günü QİÇS-dən vəfat edən insanların Ümumdünya xatirə günü qeyd edilir. Bu gün ilk dəfə insanın immunçatışmazlığı virusu (İİV) infeksiyasından və onun inkişafı nəticəsində insan orqanizmində yaranan qazanılmış immunçatışmazlığı sindromundan (QİÇS) əziyyət çəkən insanlar tərəfindən, bu xəstəlikdən ölənlərin sayının bir neçə min nəfərə çatdığı dövrdə – 1983-cü ildə ABŞ-ın San-Fransisko şəhərində təsis olunub. Artıq dünyada QİÇS-dən vəfat edənlərin sayı milyonlarla ölçülür. Belə bir tarixi gün məhz onların xatirəsinin yad edilməsi, insanların QİÇS haqqında düşünməsi, irqindən, milliyyətindən, dinindən, sosial vəziyyətindən asılı olmayaraq, hər kəsin bu xəstəlikdən sığortalanmadığını dərk etməsi üçün qeyd olunur. Xatirə günü eyni zamanda cəmiyyətin diqqətini bu problemə cəlb etmək, İİV/QİÇS-lə yaşayan insanlara qarşı stiqma və diskriminasiyanı aradan qaldırmaq, onların ailə üzvlərinə, yaxınlarına və dostlarına dəstək vermək, geniş ictimaiyyətə İİV/QİÇS haqqında düzgün informasiya çatdırmaq məqsədi daşıyır.

2014-cü il mayın 16-da Bakı Şəhər Gənclər və İdman Baş İdarəsi və İctimai Səhiyyə və İslahatlar Mərkəzinin (İSİM) təşkilatçılığı ilə Rəşid Behbudov adına Dövlət Mahnı Teatrında İİV/QİÇS-dən vəfat etmiş insanların xatirəsinə həsr olunmuş konsert keçirildi.

İİV/QİÇS-dən vəfat etmiş insanların xatirəsinin Azərbaycanda da ənənəvi olaraq anıldığını nəzərə çatdıran Bakı Şəhər Gənclər və İdman Baş İdarəsinin rəisi Raqif Abbasov, Respublika QİÇS-lə Mübarizə Mərkəzinin direktoru Esmira Alməmmədova, İSİM-in direktorunun müavini Rahib Məmmədov, İSİM-in Səhiyyə kommunikasiyası və ictimaiyyətlə əlaqələr şöbəsinin müdiri Aysel Hacıyeva İİV/QİÇS-dən vəfat etmiş insanlarla bağlı ölkəmizdə vəziyyət və statistik göstəriciləri qeyd etdilər.

Azərbaycanda 2007-ci ildən etibarən İİV/QİÇS-dən vəfat edənlərin sayının azalmağa başladığını bildirən məruzəçilər bunun Səhiyyə Nazirliyinin İİV/QİÇS problemini daim nəzarətdə saxlaması sayəsində baş verdiyini vurğuladılar: “Müalicə nəticəsində immun sistemi bərpa olunur, xəstələnmə və ölüm hadisələri azalır, xəstələrin ömrü uzanır, həyat keyfiyyəti yüksəlir.”

“İnsanın immunçatışmazlığı virusunun törətdiyi xəstəliklə mübarizə haqqında” və “İnsanın immunçatışmazlığı virusunun törətdiyi xəstəliyin (AIDS) yayılmasının qarşısının alınması haqqında” Azərbaycan Respublikasının Qanunu barədə məlumat verilən tədbirdə həmçinin Azərbaycanda problemə qarşı görülən tədbirlərdən, İİV/QİÇS-ə yoluxma yolları, ondan qorunma üsulları, bu infeksiyanın diaqnostika və müalicəsinə dair əhali arasında aparılan təbliğat işlərindən söhbət açıldı. Eləcə də sağlam həyat tərzinin təbliği məqsədilə gələcək fəaliyyətə dair təkliflər dinlənildi.

“QİÇS-lə mübarizədə fəal ol!” şüarı altında keçirilən tədbir Azərbaycan Milli Konservatoriyasının tələbələrinin çıxışı və İİV/QİÇS-dən vəfat etmiş insanların xatirəsinə həsr olunmuş simfonik konsertlə davam etdi.

Sonda Azərbaycanda İİV/QİÇS-dən vəfat etmiş insanların siyahısını özündə əks etdirən təqdimat nümayiş etdirildi.