• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

8 APREL 2014

İSİM-in nümayəndəsi Ümumdünya autizm günü ilə bağlı Beynəlxalq Mətbuat Mərkəzində təşkil olunmuş konfransda iştirak etdi

2014-cü il aprelin 5-də Ümumdünya autizm günü ilə bağlı silsilə maarifləndirmə tədbirləri çərçivəsində Beynəlxalq Mətbuat Mərkəzində Birgə və Sağlam İctimai Birliyi və Sosial Xidmətlər Təşəbbüsü İctimai Birliyinin təşkilatçılığı ilə mətbuat konfransı keçirildi. Konfransda Səhiyyə Nazirliyinin İctimai Səhiyyə və İslahatlar Mərkəzinin (İSİM) Səhiyyə kommunikasiyası və ictimaiyyətlə əlaqələr şöbəsinin müdiri Aysel Hacıyeva da iştirak etdi.

Konfransı giriş sözü ilə açan Birgə və Sağlam İctimai Birliyinin sədri Aytən Eynalova autizm sindromu haqqında ümumi məlumat verdi. Sosial Xidmətlər Təşəbbüsü İctimai Birliyinin direktoru Rəşad Hüseynov isə “Aprel Autizm Maarifləndirmə Ayı”nın proqramı haqqında məlumatı diqqətə çatdırdı və autizm üzrə vəsait təqdim olundu.

Millət vəkili Qənirə Paşayeva autizmlə bağlı əhalinin məlumatlandırılmasının əhəmiyyətini önə çəkdi: “Biz bu sahədə dünya təcrübəsini öyrənməli və bu təcrübəyə əsaslanaraq ölkəmizdə sosial şəbəkələr, televiziyalar vasitəsilə maarifləndirmə işini aparmalıyıq.”

Əmək və Əhalinin Sosial Müdafiəsi Nazirliyinin nümayəndəsi Vasif Quliyev, Paralimpiya Komitəsinin nümayəndəsi Şaiq Həmidov, musiqiçi Tünzalə Ağayeva müzakirələrdə iştirak edərək fikirlərini bildirdilər.

İSİM-in şöbə müdiri Aysel Hacıyeva autizmlə bağlı ictimaiyyətin maarifləndirməsinin müsbət nəticələrindən söhbət açaraq bu istiqamətdə Ümumdünya autizm günü ilə əlaqədar İSİM-də keçirilmiş “Autizm spektr xəstəlikləri” mövzusunda dəyirmi masa barədə məlumatı nəzərə çatdırdı.

Sonda rejissor Ehtiram Nəcəfovun autizm ilə bağlı animasiya filmi nümayiş etdirildi.