Macarıstanın Budapeşt şəhərində Avropa regionunda Tütünə qarşı mübarizə haqqında ÜST-nin Çərçivə Konvensiyasının həyata keçirilməsi üzrə seminar keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

21 MART 2014

Macarıstanın Budapeşt şəhərində Avropa regionunda Tütünə qarşı mübarizə haqqında ÜST-nin Çərçivə Konvensiyasının həyata keçirilməsi üzrə seminar keçirildi

2014-cü il martın 18-21-də Tütünə qarşı mübarizə haqqında ÜST-nin Çərçivə Konvensiyasının Katibliyinin və ÜST-nin Avropa regional bürosunun təşkilatçılığı, Macarıstan hökumətinin ev sahibliyi ilə Macarıstanın paytaxtı Budapeştdə Konvensiyanın həyata keçirilməsi üzrə regional seminar keçirildi.

Seminarın məqsədi regionda Konvensiyanın həyata keçirilməsini müzakirə və təbliğ etmək idi. Avropa ölkələrinin nümayəndələrinin iştirak etdiyi seminarda Azərbaycanı Səhiyyə Nazirliyinin İctimai Səhiyyə və İslahatlar Mərkəzinin (İSİM) Əhalinin sağlamlığı şöbəsinin müdiri Tofiq Musayev təmsil etdi. Seminar ÜST-nin Çərçivə Konvensiyasının ilk protokolu olan və yenicə qəbul edilmiş “Tütün məmulatlarının qeyri-qanuni ticarətinin aradan qaldırılması haqqında” Protokol ilə bağlı məsələləri əhatə edirdi. Ölkə nümayəndələrinin xüsusi fəallığının müşahidə olunduğu seminarda regionda və beynəlxalq miqyasda ÜST-nin Çərçivə Konvensiyasının icra olunması və Konvensiya ilə bağlı əhəmiyyətli irəliləyişlər nəzərdən keçirildi. Həmçinin Konvensiyanın həyata keçirilməsi prosesində qazanılmış nailiyyətlər və qarşıya çıxan problemlər barədə ölkələrarası məlumat mübadiləsi aparıldı, ən uğurlu təcrübələr müəyyənləşdirildi.

Seminar Çərçivə Konvensiyasının, xüsusilə də onun rəhbər prinsiplərinin həyata keçirilməsi üçün mövcud olan vasitələri, ÜST-nin Çərçivə Konvensiyası Tərəflərinin Konfransının qəbul etdiyi hesabat sistemini nəzərdən keçirən ölkə nümayəndələrinə uğurlu təcrübələrin qarşılıqlı olaraq tətbiqinin və təbliği yollarının araşdırılması istiqamətində imkan qazandırdı. Seminar ərzində fokus qruplar və dəyirmi masalar təşkil olundu, ölkə nümayəndələri mövzu üzrə təqdimatlar etdilər. ÜST-nin Avropa regional bürosu tərəfindən Aşqabad Deklarasiyası da daxil olmaqla ümumi fəaliyyətləri əhatə edən təqdimatı maraqla qarşılandı. Tərəflərin 2014-cü il üzrə həyata keçirilmiş tədbirləri barədə hesabatları ətrafında suallara aydınlıq gətirildi. Seminarda həmçinin Konvensiyada təsbit olunmuş və Tərəflərin Konfransının mandatında göstərilmiş ÜST-nin Çərçivə Konvensiyasının həyata keçirilməsi üçün beynəlxalq və sektorlararası əməkdaşlıq, resurslar və yardım mexanizmləri müzakirə edildi.

Sonda “Tütün məmulatlarının qeyri-qanuni ticarətinin aradan qaldırılması haqqında” Protokolunun ratifikasiyasının və qüvvəyə minməsinin təşviqi məqsədilə Protokol barədə maarifləndirmə işlərinin genişləndirilməsi vasitələrindən söhbət açıldı, əməkdaşlığın gələcəkdə daha da gücləndirilməsi yollarına nəzər yetirildi.