• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

30 NOYABR 2012

Türkiyənin İstanbul şəhərində Vaksinlər və İmmunlaşdırma üzrə Qlobal Alyans tərəfindən yardımın həyata keçirildiyi ölkələr üçün üç böyük tədbirdə İSİM-in nümayəndəsi iştirak etdi

2012-ci il noyabrın 27-28-də Türkiyənin İstanbul şəhərində Avropa regionunda immunlaşdırma nəticələrinin yaxşılaşdırılması üçün səhiyyə sisteminin möhkəmləndirilməsi mövzusunda tədbir, noyabrın 29-da Vaksinlər və İmmunlaşdırma üzrə Qlobal Alyansın qarşılıqlı təsiri üzrə Avropa regional işçi qrupunun 16-cı müşavirəsi, noyabrın 30-da və dekabrın 1-də Vaksinlər və İmmunlaşdırma üzrə Qlobal Alyans tərəfindən yardımın həyata keçirildiyi ölkələr üçün seminar keçirildi.

Ümumdünya Səhiyyə Təşkilatının (ÜST) Avropa Regional Bürosunun təşəbbüsü ilə təşkil olunan və Gürcüstan, Ukrayna, Moldova Respublikası, Monqolustan, Qırğızıstan, Özbəkistan, Tacikistan, Ermənistan nümayəndələrinin iştirak etdiyi tədbirlərdə Azərbaycanı Səhiyyə Nazirliyinin Sanitar-Epidemioloji Nəzarət sektorunun məsləhətçisi Oleq Səlimov, İctimai Səhiyyə və İslahatlar Mərkəzinin (İSİM) direktorunun birinci müavini Rauf Məmmədov və Respublika Gigiyena və Epidemiologiya Mərkəzinin İmmunoprofilaktika şöbəsinin Milli İmmunlaşdırma Proqramının meneceri Afaq Əliyeva təmsil etdilər. Tədbirlərə həmçinin Vaksinlər və İmmunlaşdırma üzrə Qlobal Alyans Katibliyinin əməkdaşları, BMT-nin Uşaq Fondu, Rostropoviç-Vişnevskaya Fondunun nümayəndələri də dəvət olunmuşdular.

Tədbirlərin başlıca məqsədi Vaksinlər və İmmunlaşdırma üzrə Qlobal Alyans tərəfindən maliyyə dəstəyinə hazırlıq çərçivəsində ölkələrin yeni vaksinlərin, immunlaşdırma proqramının və partnyor yardımının birgə maliyyələşdirilməsi təcrübəsini nəzərdən keçirmək, eləcə də milli immunlaşdırma proqramının maliyyə dayanıqlılığının yüksəldilməsi yollarını müəyyənləşdirmək idi.

Seminar ərzində ölkələrdə immunlaşdırma üzrə vəziyyətin təhlili və çətinliklərin müəyyənləşdirilməsi istiqamətində müzakirələr aparıldı. O cümlədən ölkə təcrübələrinə nəzər salınmaqla, immunlaşdırma proqramının maliyyələşdirilməsi və fəaliyyət planının reallaşdırılması barədə suallara aydınlıq gətirildi. Təcrübədə əldə edilmiş göstəricilər yenidən təhlil edildi. İmmunlaşdırma proqramının daha çox inkişafı üçün region ölkələrinin müstəqilliyinin təmin olunması yolları və yanaşmaları razılaşdırıldı.

İşçi qruplarında ölkələrə yardımın həyata keçirilməsi ilə bağlı mövcud çətinliklərdən və imkanlardan, problemin həllinə yardım üçün planlaşdırılması vacib strategiyalardan söhbət açıldı.

Ölkələrin təqdimatında Rauf Məmmədov Azərbaycanda səhiyyə sisteminin təşkili, İSİM-in fəaliyyəti, o cümlədən səhiyyədə beynəlxalq əməkdaşlığın qurulması barədə məlumat verdi. Ölkələrin təqdimatından sonra 2013-2014-cü illər üçün atılacaq addımlar və görüşlər ətrafında müzakirələr aparıldı. Tədbirlər planının dəstəklənməsi üçün monitorinq və koordinasiya mexanizmləri işlənildi.