• Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM-də "Yenidoğulmuşların reanimasiyası" üzrə növbəti praktik təlimlər keçirilir
  • Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

13 İYUN 2012

ABŞ-ın Atlanta şəhərində “Gənclər arasında Tütündən İstifadənin Qlobal Tədqiqatı (GYTS)” layihəsi çərçivəsində seminar keçirildi

Ümumdünya Səhiyyə Təşkilatı (ÜST) və ABŞ-ın Xəstəliklərə Nəzarət və Profilaktika Mərkəzinin (CDC) dəstəyilə keçirilən Gənclər arasında Tütündən İstifadənin Qlobal Tədqiqatı (GYTS) 13-15 yaşlı məktəblilər (8, 9, 10-cu siniflər) arasında aparılır və ölkələrin gənclər arasında tütündən istifadəyə dair monitorinq imkanlarını artırır. Sorğu bütün ölkələr üçün vahid, standartlaşdırılmış metodologiya və sorğu anketlərinə əsaslanaraq keçirilir.

Tədqiqatın Azərbaycanda reallaşması üçün İSİM-də müvafiq təkliflər hazırlanaraq Ümumdünya Səhiyyə Təşkilatının Avropa Regional Bürosuna təqdim olunub. Tədqiqatın ilkin mərhələsində Danimarkanın Kopenhagen şəhərində keçirilmiş “Gənclər arasında tütündən istifadənin qlobal tədqiqatı (GYTS) və tibb tələbələri arasında tədqiqatın aparılması (GHPSS) üzrə seminar”da Azərbaycandan Səhiyyə Nazirliyinin İctimai Səhiyyə və İslahatlar Mərkəzinin (İSİM) nümayəndəsi iştirak edib.

Tədqiqat Azərbaycanda ÜST ilə İSİM-in birgə maliyyə dəstəyi, eləcə də Təhsil Nazirliyinin müvafiq təşkilati yardımı sayəsində reallaşıb. Tədqiqatın ilkin mərhələsində aparılmış sorğu zamanı siqaretçəkmə, tütünlə bağlı bilik və yanaşma, siqaret çəkməkdən imtina, ətrafdakıların siqaret çəkməsi, tütünlə əlaqəli media və reklam, eləcə də məktəb dərsləri haqqında suallar verilib, tütünlə mübarizəyə dair təbliğat məqsədilə İSİM-də hazırlanmış, üzərində məlumatlandırıcı mesajlar olan qələm, qələmyonan, maarifləndirici nəşrlər paylanılıb.

2012-ci il iyunun 11-13-də ABŞ-ın Atlanta şəhərində “Gənclər arasında Tütündən İstifadənin Qlobal Tədqiqatı” layihəsi çərçivəsində növbəti seminar keçirildi. Tədqiqata qoşulmuş təxminən 60 ölkənin koordinatorunun iştirak etdiyi görüşdə Azərbaycanı İSİM-in Əhalinin sağlamlığı şöbəsinin müdiri Tofiq Musayev təmsil etdi. Seminarın məqsədi ölkələrdə gənclərin tütündən istifadəsi ilə bağlı tədqiqatın növbəti mərhələsində görüləcək fəaliyyətin öyrənilməsi, təcrübə mübadiləsinin aparılması və zəruri məlumatların əldə olunmasıdır.

Seminarda tədqiqat koordinatorları tütün epidemiyası və ona nəzarət üzrə xülasənin hazırlanması, tədqiqatla bağlı məlumatların təhlili üçün statistik proqramın kompleks nümunəsinin istifadəsi barədə məlumatlandırıldılar. Eyni zamanda tədqiqat çərçivəsində təmsil etdikləri ölkələrdə gələcəkdə hesabat və informasiya bülletenlərinin hazırlanması, nəşri və yayılması istiqamətində biliklərə yiyələndilər.

İştirakçılar tütünlə mübarizədə ölkə təcrübələrini bölüşdülər, tütünə nəzarət istiqamətində aparılmış digər tədqiqatlardan bəhs etdilər. Tədqiqat üzrə görülmüş işlər barədə təqdimatlar oldu, qrup işlərində təcrübə mübadiləsi aparıldı.

Tədqiqatın məlumatlarına əsasən, gələcəkdə tütünə dair profilaktika və nəzarət proqramları hazırlanacaq, həyata keçiriləcək və qiymətləndiriləcək.