“Körpələrin bəslənməsində və sağlamlığının təmin olunmasında ana südünün əhəmiyyəti” üzrə jurnalistlər üçün brifinq keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

30 MAY 2012

“Körpələrin bəslənməsində və sağlamlığının təmin olunmasında ana südünün əhəmiyyəti” üzrə jurnalistlər üçün brifinq keçirildi

2012-ci il mayın 30-da ABŞ Beynəlxalq İnkişaf Agentliyi USAİD-in maliyyələşdirdiyi Azərbaycanda Səhiyyənin Gücləndirilməsi Layihəsi çərçivəsində Abt Associates və Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən “Körpələrin bəslənməsində və sağlamlığının təmin olunmasında ana südünün əhəmiyyəti” üzrə jurnalistlər üçün brifinq keçirildi. Brifinqdə İSİM, ABŞ Beynəlxalq İnkişaf Agentliyi USAİD-in maliyyələşdirdiyi Azərbaycanda Səhiyyənin Gücləndirilməsi Layihəsi və Səhiyyə Nazirliyinin Kübra Fərəcova adına Elmi-Tədqiqat Pediatriya İnstitutunun (ETPİ) nümayəndələri iştirak etdilər.

Tədbiri giriş sözü ilə açan Elmi-Tədqiqat Pediatriya İnstitutunun direktoru, Səhiyyə Nazirliyinin baş pediatrı prof. Nəsib Quliyev ana südü ilə qidalandırmanın xüsusi əhəmiyyətini önə çəkərək, körpənin bu əvəzedilməz qida ilə qidalanmasının onun gələcək sağlamlığında böyük rol oynadığını nəzərə çatdırdı.

İSİM-in Səhiyyə kommunikasiyası və ictimaiyyətlə əlaqələr şöbəsinin müdiri Aynur Rəşidova “İctimai səhiyyə və ana südü ilə qidalandırma” mövzusunda məruzə etdi. Çıxışda körpələrin bəslənməsində və sağlamlığının təmin olunmasında ana südünün əhəmiyyəti ilə bağlı maraqlı məqamlara toxundu. A.Rəşidova eyni zamanda ana südü ilə qidalandırmanın səviyyəsini qaldırmaq üçün maarifləndirmə və təbliğat işlərinin vacibliyini vurğulayaraq, İctimai Səhiyyə və İslahatlar Mərkəzində bu mövzuda maarifləndirici materialların çap olunduğu barədə məlumat verdi.

Brifinqdə həmçinin ABŞ Beynəlxalq İnkişaf Agentliyi USAİD-in maliyyələşdirdiyi Azərbaycanda Səhiyyənin Gücləndirilməsi Layihəsinin rəhbər müavini Kəmalə Rəhimova və “Körpələrin bəslənməsində və sağlamlığının təmin olunmasında ana südünün əhəmiyyəti” mövzusunda Elmi-Tədqiqat Pediatriya İnstitutunun Vaxtından qabaq və yenidoğulanların patologiyası bölməsinin rəhbəri Mahirə Əfəndiyeva jurnalistlər üçün təqdimat etdi.

Sonda maraqlı suallar ətrafında fikri mübadiləsi aparıldı.