• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

12 DEKABR 2011

Türkiyənin İstanbul şəhərində əhalinin ailə planlaşdırılması və reproduktiv sağlamlıq vasitələrilə təmin olunmasını təhlil etmək məqsədilə həyata keçirilmiş tədqiqatda iştirak etmiş ölkə nümayəndələrinin görüşü keçirildi

2011-ci il dekabrın 5-8-də Türkiyənin İstanbul şəhərində əhalinin ailə planlaşdırılması və reproduktiv sağlamlıq vasitələrilə təmin olunmasını təhlil etmək məqsədilə BMT-nin Əhali Fondunun Şərqi Avropa-Orta Asiya Regional Ofisinin (UNFPA EECARO) və Beynəlxalq Planlaşdırılmış Valideynlik Federasiyasının Avropa Şəbəkəsinin (IPPF-EN) birgə təşəbbüsü ilə həyata keçirilmiş tədqiqatda iştirak etmiş ölkə nümayəndələrinin görüşü keçirildi.

Görüşdə Bosniya və Herseqovina, Serbiya, Xorvatiya, Qazaxıstan, Ermənistan və Bolqarıstanın yerli qeyri-hökumət təşkilatlarının nümayəndələri, həmçinin Azərbaycandan Səhiyyə Nazirliyinin İctimai Səhiyyə və İslahatlar Mərkəzinin (İSİM) İlkin səhiyyənin təşkili şöbəsinin həkim-metodisti Teymur Hüseynov iştirak etdi. EO IPPF-nin konsultantı və nümayandələri ilə birgə iki gün ərzində avqust-noyabr aylarında keçirilən sahə işlərinin əsas nəticələri müzakirə olundu. Müzakirə zamanı əsas problemlər müəyyənləşdirildi və onları aradan qaldırmaq üçün tövsiyələr tərtib edildi.

Növbəti günlərdə UNFPA-nın nümayəndələrinin təqdimatları dinlənildi, tövsiyələrin müzakirəsi aparıldı.

Yaxın vaxtlarda sahə işlərinin və görüşlərin nəticələri hesabatda öz əksini tapacaq. Hesabat 2012-ci ildə ölkələrdə müasir kontraseptiv vasitələrin təminatı ilə bağlı vəziyyətin yaxşılaşdırılması məqsədilə ailə planlaşdırılması üzrə müvafiq proqramların, strategiyaların UNFPA tərəfindən tərtib edilməsində istifadə olunacaq.