• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

1 DEKABR 2011

İSİM-də “Vətəndaşların Elektron sağlamlıq kartı” sistemindəki stasionardan çıxışının statistik kartası altsistemin tətbiqi üzrə təlim keçirilir

“Vətəndaşların Elektron Sağlamlıq Kartı sistemi” (VESKS) Səhiyyə Nazirliyi tərəfindən tətbiq olunan elektron informasiya sistemidir. Vətəndaşların “Elektron Sağlamlıq Kartı” sisteminin (VESKS) tətbiqi Azərbaycan Respublikası Prezidentinin 21 oktyabr 2005-ci il tarixli 1055 nömrəli sərəncamı ilə təsdiq edilən “Azərbaycan Respublikasında rabitə və informasiya texnologiyalarının inkişafı üzrə 2005-2008-ci illər üçün Dövlət Proqramı (Elektron Azərbaycan)”nın həyata keçirilməsi üzrə Tədbirlər Planının 7.3.11-ci bəndinə əsasən həyata keçirilir. Sistemin fəaliyyəti Səhiyyə Nazirliyi tərəfindən 5 sentyabr 2007-ci il tarixli 82 nömrəli əmrlə təsdiq edilən “Elektron Sağlamlıq Kartı” sistemindən istifadə Qaydaları” ilə də tənzimlənir.

VESKS-nin tətbiqi müvafiq elektron registrlərin hazırlanması vasitəsilə vətəndaşların sağlamlığı vəziyyətinə nəzarət sisteminin təkmilləşdirilməsini və operativ şəkildə şəxslərin sağlamlığı barədə məlumat bankının yaradılmasını təmin edir. Bu, müasir standartlara uyğun informasiya sistemidir.

Sistemin ölkə miqyaslı olmasını nəzərə alaraq, 2007-ci ildə Səhiyyə Nazirliyinin İctimai Səhiyyə və İslahatlar Mərkəzində (İSİM) xüsusi Rabitə və İnformasiya Texnologiyaları şöbəsi yaradılıb və lazımi resurslarla təchiz edilib. Şöbənin mütəxəssisləri mütəmadi olaraq, Respublikada və xarici ölkələrdə biliklərini artırmaq məqsədilə təlimlərdə iştirak edirlər. İctimai Səhiyyə və İslahatlar Mərkəzində və Bakı Baş Səhiyyə İdarəsində şəhər və rayon müəssisələrinin heyətinə proqram təminatının istifadəsi barədə genişmiqyaslı təlimlər keçirilib.

2011-ci il dekabrın 1-dən etibarən İSİM-də “Vətəndaşların Elektron sağlamlıq kartı” sistemindəki stasionardan çıxışının statistik kartası altsistemin tətbiqi üzrə tibb müəssisələrinin müvafiq işçi heyəti üçün təlimə start verilib. Təlim Səhiyyə Nazirliyinin və SN-in Səhiyyə Sektorunda İslahatlar Layihəsinin təşkilatçılığı və Dünya Bankının maliyyə dəstəyilə həyata keçirilir. Təlimdə Elmi-Tədqiqat İnstitutlarının, dispanserlərin, klinik xəstəxanaların, doğum evlərinin, perinatal mərkəzlərin, mərkəzi rayon xəstəxanalarının nümayəndələri iştirak edirlər. Təlim ümumilikdə 750 nəfər üçün nəzərdə tutulub.

Təlim prosesi iki mərhələdən ibarətdir. I mərhələdə baş həkim müavinləri, statistiklər və kompüter operatorları iştirak edirlər. Məruzəçilər isə İnformatika və Statistika İdarəsinin həkim-statistikləri Ofeliya Hacıyeva və Məlahət Vəzirovadır. Təlim ərzində iştirakçılar Xəstəliklərin Beynəlxalq Statistik Təsnifatının 10-cu baxılışı (XBT-10), Xəstəliklərin Beynəlxalq Statistik Təsnifatının 9-cu baxılışı, Kliniki Modifikasiya (XBT-9-KM), “Stasionardan çıxanın statistik kartası” (AZS-066) barəsində məlumatlanırlar.

Təlimin II mərhələsinin iştirakçıları statistiklər və kompüter operatorlarıdır. Təlimçi, SN-in Səhiyyə Sektorunda İslahatlar Layihəsinin nümayəndəsi Ziya Əhmədov iştirakçıları Vətəndaşların Elektron sağlamlıq kartı sistemindəki “Stasionardan çıxışının statistik kartası” altsistemindən istifadə bacarıqları, “Stasionardan çıxışının statistik kartası” altsistemi əsasında 14 saylı hesabat formasının avtomatik alınması üzrə məlumatlandırır.

Təlim dekabrın 19-dək davam edəcək.