• 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • Şagirdlər ətraf mühitin insan sağlamlığına təsiri barədə maarifləndirildilər
  • İncəsənət Kollecinin tələbələrinə reproduktiv sağlamlıq və erkən nikahların fəsadları barədə məlumat verildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

1 DEKABR 2011

İSİM Ümumdünya QİÇS-lə Mübarizə Gününə həsr olunmuş aksiyaya qoşuldu

1 dekabr “Ümumdünya QİÇS-lə Mübarizə Günü”dür. İİV-infeksiyası/QİÇS pandemiyası dünya səhiyyəsinin infeksion xəstəliklər sahəsində ən ciddi problemi kimi qalmaqdadır. Azərbaycanda da İİV-infeksiyası/QİÇS problemi ən aktual problem olaraq, daim Səhiyyə Nazirliyinin nəzarətindədir. Azərbaycan İİV-ə yoluxma səviyyəsi aşağı olan ölkələr sırasına daxildir və burada epidemiya əsasən yüksək riskli qrupa aid olan inyeksion narkotik vasitələrin istifadəçiləri arasında yayılıb.

Hazırda Səhiyyə Nazirliyinin İctimai Səhiyyə və İslahatlar Mərkəzində (İSİM) Ümumdünya QİÇS-lə Mübarizə Gününə həsr olunmuş aksiya keçirilir. İSİM-ə müraciət edən insanların bu problemə maraqlarını cəlb etmək məqsədilə Mərkəzin birinci mərtəbəsinin foyesində quraşdırılmış ekranda gün ərzində QİÇS-in profilaktikasına dair bir neçə video-çarx nümayiş etdirilir. Respublika QİÇS-lə Mübarizə Mərkəzi tərəfindən hazırlanmış “1 dekabr - Ümumdünya QİÇS-lə Mübarizə Günü” ilə əlaqədar müvafiq press-reliz çap olunmuş şəkildə Mərkəzin birinci mərtəbəsinin foyesində xüsusi stendə yerləşdirilib. Ambulator və laborator şöbələrə müraciət edən insanlara “İİV-infeksiyası” barədə məlumat kitabçaları, təqvimlər və bukletlər paylanılır. Həmin kitabçalar birinci mərtəbənin foyesində də yerləşdirilib.

www.aids.az saytında “1 dekabr – Ümumdünya QİÇS-lə Mübarizə Günü” ilə əlaqədar müvafiq press-relizi oxuya bilərsiniz.