• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

18 MAY 2011

İSİM-də Səhiyyə Kommunikasiyası üzrə təlim keçirildi

Davranışlara təsir edəcək kommunikasiyanın planlaşdırılması (COMBİ) Ümumdünya Səhiyyə Təşkilatı (ÜST) tərəfindən dünyanın 50 ölkəsində, BMT-nin Uşaq Fondu-YUNİSEF tərəfindən isə 5 ölkədə həyata keçirilir. BMT-nin digər aidiyyatı agentlikləri də bu istiqamətdə fəaliyyət göstərir. Şəxslərarası kommunikasiya adlanan bu üsul davranışlara təsir etmək üçün vacibdir.

“Mənim üçün kommunikasiya bir-birimizlə ünsiyyət deməkdir və bu ünsiyyətdə təkcə söz deyil, bədən hərəkətləri, jest və mimikalar da əhəmiyyətlidir. Dediklərim səhiyyə kommunikasiyası üçün daha spesifikdir.” Bu fikirlərlə Ümumdünya Səhiyyə Təşkilatının ABŞ nümayəndəliyinin Baş kommunikasiya məsləhətçisi Hosein Everold Səhiyyə Kommunikasiyası üzrə təlimdə çıxış etdi.

BMT-nin Uşaq Fondu tərəfindən keçirilən təlim 2011-ci il mayın 18-də Səhiyyə Nazirliyinin İctimai Səhiyyə və İslahatlar Mərkəzində (İSİM) gerçəkləşdi. Təlimdə BMT-nin Uşaq Fondunun Azərbaycan nümayəndəliyinin və İSİM-in əməkdaşlarından ibarət qrup iştirak etdi. “Davranışların dəyişdirilməsi üzrə kommunikasiya” mövzusuna həsr olunmuş sessiyanı giriş sözü ilə açan H.Everold iştirakçıları Azərbaycana gəlişinin məqsədi və təlimin proqramı ilə tanış etdi. Təlim ərzində davranışların dəyişdirilməsi üzrə kommunikasiyanın əsas aspektlərindən söhbət açılacağını bildirdi. İSİM-lə bu mövzuda görüşün keçirildiyini və səhiyyə kommunikasiyası ilə bağlı fikir mübadiləsi aparıldığını nəzərə çatdırdı. Səfər çərçivəsində ölkədə sosial ünsiyyət və inkişaf proqramının səhiyyə, təhsil, eyni zamanda uşaq hüquqlarının qorunması istiqamətində öyrəniləcəyini, bu sahələrdə maarifləndirmənin həyata keçiriləcəyini qeyd edən H.Everold eyni zamanda səhiyyə kommunikasiya forması – COMBİ-nin əsas mərhələlərilə bağlı qısa məlumat veriləcəyini bildirdi. Daha sonra H.Everold səhiyyə kommunikasiyası yönündə ABŞ-da görülmüş işlərdən bəhs etdi.

Belə ki, hər il ABŞ-ın Nyu-York Universitetində iyulun 3-dən başlayaraq, həftəlik olaraq, Davranışlara təsir edəcək kommunikasiyanın planlaşdırılması (COMBİ) üzrə yay təlimləri keçirilir. Bu təlimlərdə iştirakçılara səhiyyə və sosial sahələrdə davranışlara təsir edəcək kommunikasiyanın əsas texniki göstəricilərilə bağlı biliklər aşılanır. H.Everold həmçinin BMT-nin Uşaq Fondunun bu istiqamətdə mövcud sahəsi – İnkişaf üçün Kommunikasiyanın tərkibinə daxil olan yanaşmalar haqqında məruzə etdi. Bu yanaşmalardan biri və ən əhəmiyyətlisi olan COMBİ-nin səciyyəvi xüsusiyyətləri ilə bağlı məlumat verən Baş kommunikasiya məsləhətçisi COMBİ-nin əsaslarını inteqrasiya olunmuş marketinqin təşkil etdiyini də vurğuladı.

Həmçinin səhiyyə kommunikasiyasının vəziyyətini öyrənmək məqsədilə aparılmış tədqiqat işlərindən söhbət açdı. Ekoloji təbabət, sosial gigiyena və sağlam həyat tərzi mövzularında İİV/QİÇS, ağ ciyər xəstəlikləri, malyariya ilə bağlı kommunikasiyada davranışlara təsirin nəticələrinin araşdırıldığını bildirdi.

Yekun olaraq, iştirakçılar iyunda İSİM-də keçirilməsi nəzərdə tutulan təlimlər barədə məlumatlandırıldı. 9 günlük davam edəcək təlimlərdə Nyu-York Universitetində aparılmış səhiyyə kommunikasiyası ilə əlaqədar dərslər barədə qısa məlumat veriləcək və təcrübə mübadiləsi aparılacaq. Eləcə də COMBİ-nin planlaşdırma prosesinin 10 mərhələsi təfərrüatı ilə təlim iştirakçılarına təqdim olunacaq.