• 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • Şagirdlər ətraf mühitin insan sağlamlığına təsiri barədə maarifləndirildilər
  • İncəsənət Kollecinin tələbələrinə reproduktiv sağlamlıq və erkən nikahların fəsadları barədə məlumat verildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

8 APREL 2009

İctimai Səhiyyə və İslahatlar Mərkəzində Ümumdünya Sağlamlıq Günü qeyd edildi

Aprelin 7-də İctimai Səhiyyə və İslahatlar Mərkəzində (İSİM) Ümumdünya Sağlamlıq Gününə həsr olunmuş görüş keçirildi.
    1948-ci ildə birinci Ümumdünya Səhiyyə Assambleyası Ümumdünya Səhiyyə Təşkilatının (ÜST) yaradılmasını qeyd etmək üçün Ümumdünya Sağlamlıq Gününün təsis edilməsi təşəbbüsü ilə çıxış etdi. 1950-ci ildən başlayaraq Ümumdünya sağlamlıq günü hər il 7 aprel tarixində qeyd edilir. Hər il bu əlamətdar günün mövzusu ÜST prioritet saydığı bir problemi dünya ictimaiyyətinin diqqət mərkəzinə gətirir. 2009-cu ilin Ümumdünya Sağlamlıq Günü fövqəladə hallarda tibb müəssisələri mövzusuna – "İnsan həyatını xilas edək. Fövqəladə hallarda xəstəxanaların təhlükəsizliyini təmin edək" – həsr edilmişdir. Bunda məqsəd tibb müəssisələrinin fövqəladə hallara davam gətirməsi, həm böhran vəziyyətlərində, həm də onlardan sonra xəstələri müalicə edə bilməsi üçün hazırlıq aparılmalı olduğu haqqında tələbin daha da gücləndirilməsidir.
    ÜST-nin Azərbaycan üzrə ölkə ofisi ilə birgə keçirilmiş tədbirdə Səhiyyə Nazirliyinin İctimai Səhiyyə və İslahatlar Mərkəzinin, Səhiyyə Nazirliyi Təcili və Təxirəsalınmaz Tibbi Yardım Stansiyasının, Bakı şəhər Təcili və Təxirəsalınmaz Yardım Stansiyasının, Elmi-Tədqiqat Travmatologiya və Ortopediya İnstitutunun, Fövqəladə Hallar Nazirliyi Xüsusi Riskli Xilasetmə Xidmətinin Tibb Şöbəsinin, BMT agentliklərin, Azərbaycan Qızıl Aypara Cəmiyyətinin, Vişnevskaya-Rastropoviç Fondunun, Beynəlxalq Qızıl Xaç Komitəsinin, BMT agentliklərin, USAİD-in İlkin Səhiyyə Xidmətlərinin Gücləndirilməsi Layihəsinin və digər təşkilatların nümayəndələri iştirak edib.
    Görüşdə ÜST-nin Avropa Regional Bürosunun Fövqəladə Hallar üzrə Hazırlıq və Cavabvermə proqramının koordinatoru Qabit İsmaylovun məruzəsi dinlənildi.
    Görüş zamanı tibb müəssisələrinin fövqəladə hallara davam gətirməsi və böhran vəziyyətlərində hazırlıq işinin daha da gücləndirilməsinin əsas məqsəd olduğu vurğulandı. Tibb müəssisələrinin qorunması, fövqəladə vəziyyət zamanı və ondan sonra tibbi yardım göstərilməsini davam etdirmək imkanının təmin olunması üçün planlaşdırma və hazırlığın zəruri olduğu qeyd olundu. Normal səviyyədə tibbi yardım göstərilməsini davam etdirmək və fövqəladə vəziyyət nəticəsində artmış tələblərin effektiv şəkildə öhdəsindən gəlmək üçün tibb müəssisəsinin fövqəladə cavab tədbirləri planları və hazırlıqlı işçi qüvvəsinin olmasının vacibliyinə toxunuldu.