• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

24 NOYABR 2008

İctimai Səhiyyə və İslahatlar Mərkəzində “İctimai səhiyyənin planlaşdırılmasında epidemiologiya və biostatistika metodları” mövzusunda təlimlər keçirildi

İctimai Səhiyyə və İslahatlar Mərkəzində (İSİM) 13-19 noyabr 2008-ci il tarixində “İctimai səhiyyənin planlaşdırılmasında epidemiologiya və biostatistika metodları” mövzusunda təlimlər keçirildi.

Kurslarda mühazirəçilər qismində Rusiya Federasiyasından dəvət olunmuş ictimai səhiyyə üzrə aparıcı mütəxəssislər iştirak edirdilər. Təlimlərin məqsədi yerli ictimai səhiyyə mütəxəssisləri arasında epidemiologiya və biostatistika ilə bağlı biliklərin artırılması və bu sahədə xarici təcrübə ilə tanış olmaq idi. Təlimə ölkənin aparıcı elmi-tədqiqat müəssisələrinin, Ə.Əliyev adına Azərbaycan Dövlət Həkimləri Təkmilləşdirməsi İnstitutunun, Respublika Gigiyena və Epidemiologiya Mərkəzinin, Azərbaycan Tibb Universitetinin və İSİM-in əməkdaşları qatılmışdılar.

Epidemiologiya mövzusuna həsr olunmuş təlimin birinci hissəsi Moskva Tibb Akademiyasının professoru V.V.Vlasov tərəfindən keçirildi. O təlim ərzində müasir epidemiologiyaya giriş, epidemiologiyanın tarixi, epidemiologiya və ictimai səhiyyə, risk, səbəb və nəticə əlaqələri, epidemiologiya tədqiqat növləri haqqında iştirakçılara ətraflı məlumat verdi.

Biostatistika üzrə təlimlərdə Sankt-Peterburq Diplomdan Sonrakı Təhsil üzrə Tibb Akademiyasının İctimai səhiyyə fakültəsinin dekanı, professor S.L.Plavinskinin mühazirələri dinlənildi. Bu təlimlərdə tədqiqatların nəticələrinin analizi və bu analizin müxtəlif növləri, keyfiyyət göstəricilərinin analizi, statistik modellər, əsas statistik modellərin xülasəsi, səhiyyənin idarə olunmasında statistik metodlar məsələlərinə toxunuldu. Professor Plavinski təlim iştirakçılarını səhiyyə sisteminin fəaliyyətində demoqrafik məlumatların və sosial-gigiyenik monitorinqin nəticələrindən istifadənin, səhiyyədə keyfiyyət nəzarətinin tətbiqinin bu sektorun effektivliyinin artırılmasının ayrılmaz hissəsi olduğu ilə tanış etdi. Eyni zamanda proseslərin statistik kontrolu və keyfiyyət nəzarəti vasitələri, və həmçinin statistik məlumatların düzgün qiymətləndirilməsi məsələləri ətraflı müzakirə olundu.

Təlimlərdə, statistik kompyuter proqramlarından istifadə etməklə intensiv praktik məşğələlər də keçirildi.