• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

25 SENTYABR 2008

İSİM-də erkən yaşlı uşaqların qidalanmasına həsr olunmuş dəyirmi masa keçirildi

19 sentyabr 2008-ci il tarixdə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzində (İSİM) BMT-nin Uşaq Fondunun (UNİSEF) təşəbbüsü ilə erkən yaşlı uşaqların qidalanmasına həsr olunmuş dəyirmi masa keçirildi. Tədbirdə Ana və uşaq sağlamlığının qorunması üzrə Milli Koordinator Təranə Tağızadə, Səhiyyə Nazirliyinin Tibbi yardımın təşkili şöbəsinin müdir müavini Elmira Əliyeva, İSİM-in direktor müavini Gülşən Həsənova, UNİSEF-in ölkə ofisinin nümayəndəsi Şəfəq Rəhimova və əməkdaşları, qidalanma üzrə amerikalı mütəxəssis Cak Baqrianski, V. Axundov adına Elmi- Tədqiqat Tibbi Profilaktika, K. Fərəcov adına Elmi-Tədqiqat Pediatriya İnstitutu, Azərbaycan Tibb Universiteti, Respublika Gigiyena və Epidemiologiya Mərkəzinin, Nizami, Xətai, Nərimanov rayonlarının Gigiyena və Epidemiologiya Mərkəzlərinin əməkdaşları iştirak edirdilər.

Tədbiri giriş sözü ilə açan Gülşən Həsənova bildirdi ki, düzgün qidalanma əhalinin sağlamlığının qorunmasında əsas amillərdən biridir. Sağlamlığının qayğısına qalmaq istəyən hər bir insan düzgün qidalanmaya riayət etməlidir. Müasir tibbdə də, düzgün qidalanma məsələlərinin öyrənilməsinə, bu sahədə araşdırmaların aparılmasına böyük əhəmiyyət verilir. İSİM-in direktor müavini bildirdi ki, 2003-cü ildə Azərbaycanda “Körpələrin və erkən yaşlı uşaqların qidalanması haqqında” AZərbaycan Respublikasının Qanunu qəbul edilib. Onun sözlərinə görə, bu qanun körpələrin və erkən yaşlı uşaqların düzgün qidalanması məsələlərini tənzimləyir və böyük əhəmiyyətə malikdir. G. Həsənova UNİSEF-in təşkilatçılığı ilə keçirilən bu dəyirmi masada da düzgün qidalanma ilə bağlı müzakirələrin aparılacağını və tədbirdə qidalanma üzrə mütəxəssis, postsovet ölkələrində qidalanma ilə bağlı tədqiqatlar aparmış amerikalı mütəxəssis Cak Baqrianskinin təqdimatla çıxış edəcəyini iştirakçıların diqqətinə çatdırdı.

Qidalanma üzrə mütəxəssis Cak Baqrianski “Unun zənginləşdirilməsi Azərbaycanda müsbət ictimai sağlamlıq strategiyası sayıla bilərmi?” mövzusunda təqdimatla çıxış etdi. Amerikalı ekspertin çıxışından sonra təqdimat ətrafında müzakirələr və fikir mübadiləsi aparıldı. Müzakirələrin yekunu kimi Azərbaycanda düzgün qidalanma məsələlərinin dövlət səviyyəsində tənzimlənməsi üçün təkliflər səsləndirildi. Tədbir iştirakçıları və yerli mütəxəssislər düzgün qidalanma məsələlərini tənzimləyəcək qanunun qəbulunu məqsədəuyğun olduğunu bildirdilər. Qeyd olundu ki, bu qanunda ölkədə istehsal olunan unun və digər qida məhsullarının üzərində onların tərkibində hansı maddələrinin olduğunun göstərilməsinin məcburi olması ilə bağlı müddəalar da öz əksini tapa bilər. Qida məhsullarının tərkibi barədə düzgün məlumat almaq imkanları olduqdan sonra isə insanlar düzgün qidalanma rejimini özləri müəyyənləşdirə bilərlər.

Tədbirin sonunda düzgün qidalanmanın Azərbaycan üçün də aktual olduğunu qeyd edən UNİSEF-in Bakı ofisinin əməkdaşı Şəfəq Rəhimova bu istiqamətdə maarifləndirmə işlərinin böyük əhəmiyyət kəsb etdiyini vurğuladı.