• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

6 İYUN 2008

Sübutlu təbabət əsasında Klinik Protokolların Hazırlanması üzrə ikinci təlim keçirildi.

2008-ci il may ayının 25-30 tarixlərində ABŞ Beynəlxalq İnkişaf Agentliyinin (USAİD) maliyyə dəstəyi ilə həyata keçirilən İlkin Səhiyyə Xidmətlərinin Gücləndirilməsi Layihəsi (PHCS) çərçivəsində Sübutlu təbabət əsasında Klinik Protokolların Hazırlanması üzrə Təlim keçirilmişdir. Abt Associates təşkilatı tərəfindən təşkil olunmuş təlimi aparmaq üçün Moskva Tibb Akademiyasının professorları V.Vlasov və M.Avksentyeva ölkəyə dəvət olunmuşdurlar. Bu, artıq onların Azərbaycana ikinci səfəridir. 2008-ci ilin fevral ayında ölkəmizə birinci səfər zamanı mütəxəssislər Səhiyyə Nazirliyinin İctimai Səhiyyə və İslahatlar Mərkəzi ilə İlkin Səhiyyə Xidmətlərinin Gücləndirilməsi Layihəsinin birgə təşkil etdiyi Sübutlu təbabət üzrə elmi-praktik konfransda iştirak etmişdilər və 5 günlük seminar keçirmişdirlər.

Təlim zamanı dinləyicilərə elmi sübutların əsasında klinik protokolların hazırlanması, onların iqtisadi cəhətdən təhlili, dərman preparatları formulyarı haqqında ətraflı məlumat verilmişdir. Təlimdə iştirakçılar özlərinin sərbəst şəkildə kilinik protokolları hazırlamaq bacarıqlarını sınaqdan keçirdilər.

Təlimdə Səhiyyə Nazirliyinin İctimai Səhiyyə və İslahatlar Mərkəzinin işçiləri ilə bərabər, Ağ Ciyər Xəstəlikləri, Travmatologiya, Pediatriya və Kardiologiya Elmi-Tədqiqat İnstitutlarının, Azərbaycan Tibb Universitetinin propedevtika, pediatriya və farmakologiya kafedralarının əməkdaşları iştirak etmişdirlər. Təlimdə Azərbaycan Tibb Assosiasiyasının nümayəndələri də iştirak edirdi.