• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

28 APREL 2008

İctimai Səhiyyə və İslahatlar Mərkəzində “Səhiyyə sahəsində PR və Kommunikasiya” mövzusunda ikinci görüş keçirildi

25 aprel 2008-ci il tarixində İctimai Səhiyyə və İslahatlar Mərkəzində (İSİM) KİV və İctimaiyyətlə Əlaqələr şöbəsinin təşkilatçılığı ilə yerli QHT-lər, beynəlxalq təşkilatların nümayəndələri ilə “Səhiyyə sahəsində PR və Kommunikasiya” mövzusunda ikinci görüş keçirildi.

Tədbirdə İSİM-in KİV və İctimaiyyətlə Əlaqələr Şöbəsinin əməkdaşları, İlkin Səhiyyə Xidmətlərinin Gücləndirilməsi Layihəsi (PHCS), Qlobal Fondun, ABŞ Beynəlxalq İnkişaf Agentliyinin (USAİD), Açıq Cəmiyyət İnstitutu-Yardım Fondunun, Səhiyyə Sektorunda İslahatlar Layihəsinin işçı qrupunun (HSRP PİU), İCRS, ACQUIRE Project, Azərbaycan Qızıl Aypara Cəmiyyəti, “Siyasət və Media” təşkilatının nümayəndələri iştirak edirdilər.

Tədbiri giriş sözü ilə açan İSİM-in KİV və İctimaiyyətlə Əlaqələr şöbəsinin müdiri Nurlan Əliyev bu görüşün artıq ikinci dəfə baş tutduğunu xatırlatdı. Onun sözlərinə görə bu görüşlərin keçirilməsində əsas məqsəd səhiyyə sektorunda fəaliyyət göstərən yerli QHT-lər və beynəlxalq təşkilatlarla səhiyyə sahəsində PR və kommunikasiya məsələləri, mövcud problemlər, onların həlli yolları ilə bağlı fikir mübadiləsi aparmaq, tərəfdaşlıq və əməkdaşlığın qurulmasını müzakirə etməkdir. O, ötən görüşdən sonrakı müddətdə İSİM-in fəaliyyəti barədə məlumat verdi, tədbir iştirakçıları da gördükləri işlər barədə danışdılar. Məlumat mübadiləsindən sonra N.Əliyev tədbirdə 24-27 mart 2008-ci il tarixdə İSİM KİV və İctimaiyyətlə Əlaqələr Şöbəsinin əməkdaşlarının səhiyyə kommunikasiyası sahəsində Moldova təcrübəsi ilə tanış olmaq üçün bu ölkəyə səfərinin yekunları ilə bağlı “Moldovada səhiyyə kommunikasiyası” mövzusunda təqdimatla çıxış etdi. 

Tədbir iştirakçıları İSİM-in KİV və İctimaiyyətlə Əlaqələr Şöbəsi və İlkin Səhiyyə Xidmətlərinin Gücləndirilməsi layihəsi tərəfindən hazırlanan Səhiyyə Kommunikasiyası terminlərinin Azərbaycan dilində izahlı lüğətinin ilkin variantını da müzakirə etdilər. PHCS –in səhiyyə kommunikasiyası üzrə meneceri Cəmilə Əzizova lüğətin ilkin variantı barədə çıxış etdi. Müzakirələrin nəticəsində növbəti görüşdə lüğətin ilkin variantı ilə bağlı təklif və rəylərin təqdim edilməsi qərara alındı.