• İSİM-də “21 sentyabr - Beynəlxalq Sülh Günü”nə həsr edilmiş tədbir keçirildi
  • “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

27 APREL 2010

“2010-cu ildə qızılca və məxmərək xəstəliklərinin eliminasiyası ilə bağlı epidemioloji nəzarətin gücləndirilməsi”nə həsr olunmuş dəyirmi masa

2010-cu il 27 aprel tarixində İctmai Səhiyyə və İslahatlar Mərkəzində (İSİM) Avropa İmmunlaşdırma Həftəsi çərçivəsində keçirilən tədbirlərin davamı olaraq “2010-cu ildə qızılca və məxmərək xəstəliklərinin eliminasiyası ilə bağlı epidemioloji nəzarətin gücləndirilməsi”nə həsr olunmuş dəyirmi masa keçirildi.

Dünya miqyasında peyvəndlə qarşısı alınan digər xəstəliklərlə müqayisədə qızılca daha çox uşaq ölümü ilə nəticələnir. Qızılcanı keçirib sağ qalan uşaqlar fiziki qabiliyyətlərində daimi qüsur qalması təhlükəsindən azad deyildirlər. Bu səbəbdən belə məlumatverici tədbirlərin keçirilməsi çox böyük əhəmiyyət kəsb edir.

Minilliyin İnkişaf Məqsədlərinə çatmaq naminə qızılca və məxmərək xəstəliklərinin eliminasiyası, anadangəlmə məxmərək sindromunun profilaktikasının təmin edilməsi məqsədilə keçirilən tədbirdə İctimai Səhiyyə və İslahatlar Mərkəzi, Azərbaycan Tibb Universiteti, Respublika Gigiyena və Epidemiologiya Mərkəzi, Elmi-Tədqiqat Pediatriya İnstitutu, Respublika dəri zöhrəvi dispanseri, Respublika Taun Əleyhinə Stansiya, Bakı, Sumqayıt, Gəncə, Mingəçevir və Şirvan şəhərləri və Abşeron rayonunun pediatrları, epidemioloqları və dəri-zöhrəvi həkimləri iştirak etdi.

Dəyirmi masa zamanı qızılca və məxmərək xəstəliklərinin eliminasiyası yolunda əldə edilmiş ən son nailiyyətlər, Azərbaycanda qızılca, məxmərək və anadangəlmə məxmərək sindromu üzərində nəzarət və qızılca, məxmərək və anadangəlmə məxmərək sindromu üzərində laborator nəzarətin nəticələri barədə iştirakçılara ətraflı məlumat verildi. Sonda iştirakçıların sualları ətrafında geniş müzakirələr aparıldı və onların bu sahədə qarşıya çıxan maneələrin aradan qaldırılmasına dair tövsiyələri dinlənildi.