Səhiyyə Nazirliyinin İctimai Səhiyyə və İslahatlar Mərkəzi (İSİM) ilə Ailə, Qadın və Uşaq Problemləri üzrə Dövlət Komitəsinin birgə əməkdaşlığı çərçivəsində “Sağlam həyat tərzi” mövzusunda maarifləndirici tədbir təşkil edilib. Bakı şəhəri 179 nömrəli məktəbdə keçirilən tədbirin məqsədi gənc nəsli sağlam həyat tərzi yaşamağa təşviq etmək, düzgün qidalanma və fiziki aktivliyin vacibliyini vurğulamaq olub. Ailə, Qadın və Uşaq Problemləri üzrə Dövlət Komitəsinin əməkdaşı Nailə İbrahimova gənc nəsli sağlam həyat tərzi seçməyə, zərərli vərdişlərdən uzaq olmağa çağırıb. İSİM-in Layihələrin əlaqələndirilməsi şöbəsinin müdir müavini Ülkər Camalova geniş təqdimatla çıxış edərək, iştirakçılara zərərli vərdişlərin acı nəticələrindən söz açıb, onlara sağlam davranışlara sahib olmaq, sağlamlığına məsuliyyətlə yanaşmaq, hər gün fiziki aktivliyə vaxt ayırmaq tövsiyə edilib.