Nadir Xəstəliklər Təşkilatları İttifaqının sədri Səadət Bayramova, İSİM-in direktoru Səbinə Babazadə, Azərbaycan Pediatriya Cəmiyyətinin sədr müavini Erkin Rəhimov və digər nümayəndələr çıxış edərək, nadir xəstəliklərin erkən aşkarlanmasının əhəmiyyətini vurğulayıblar. Nadir xəstəliklərə əhali arasında çox az rast gəlindiyi bildirilib, indiyə qədər 8 minə qədər nadir xəstəlik aşkarlandığı və hazırda dünyada təxminən 300 milyon insanın bu cür xəstəliklərlə yaşadığı diqqətə çatdırılıb.

 

Forumda neonatal və pediatrik yanaşmalar, müalicədə spesifik və kompleks metodlar, eləcə də xəstəliklərin uzunmüddətli kliniki idarə olunması istiqamətlərindən söz açılıb. Forum çərçivəsində, həmçinin nadir xəstəliklərdə erkən diaqnostika və neonatal–pediatr yanaşması, nadir xəstəliklərin müalicəsində spesifik yanaşmalar və multidissiplinar əməkdaşlıq, kliniki yanaşmalar və xəstəliklərin idarə edilməsikimi aktual mönzularda panel müzakirələri aparılıb. Forumda nadir xəstəliklər sahəsində mövcud vəziyyət müzakirə edilib, fikir və təkliflər dinlənilib, nadir xəstəliklərdən əziyyət çəkən uşaqların rəsm sərgisi nümayiş olunub.