30 YANVAR 2026
Lənkəran və Masallı rayonlarında skrininq və maarifləndirmə tədbirləri keçirilib
Səhiyyə Nazirliyi, İcbari Tibbi Sığorta üzrə Dövlət Agentliyi, TƏBİB, İctimai Səhiyyə və İslahatlar Mərkəzi (İSİM), Regional İnkişaf İctimai Birliyi, Azərbaycan Kardiologiya Cəmiyyəti və “Servier Azərbaycan”ın tərəfdaşlığı ilə icra olunan “Hədəf 130/80” layihəsi üzrə cənub rayonlarında skrininq və maarifləndirmə tədbirləri keçirilib. İlkin səhiyyə xidmətləri çərçivəsində təşkil olunan tədbirlərə Lənkəran, Masallı, Astara, Lerik, Biləsuvar, Yardımlı və Cəlilabaddan tibb işçiləri cəlb olunub.
Lənkəranda keçirilən tədbirdə Rayon İcra Hakimiyyətinin başçısı Taleh Qaraşov çıxış edərək səhiyyə islahatları və regionlarda xidmətlərin inkişafından danışıb. Azərbaycan Kardiologiya Cəmiyyətinin üzvü, layihə rəhbəri Ülvi Mirzoyev, TƏBİB-in İlkin səhiyyə xidməti departamentinin rəhbəri Rəşad Çobanlı, İSİM-in şöbə müdiri İnara Makayeva arterial təzyiqə nəzarətin vacibliyini, qeyri-infeksion xəstəliklərin qarşısının alınmasında maarifləndirmənin rolunu vurğulayıblar.
Qeyd edək ki, “Hədəf 130/80” layihəsi çərçivəsində ölkənin müxtəlif regionlarında tədbirlər və əhali arasında maarifləndirmə aksiyaları davam etdirilir.