BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası çərçivəsində, BMT-nin Əhali Fondu (UNFPA) və BMT-nin Ərzaq və Kənd Təsərrüfatı Təşkilatının (FAO) birgə təşkil etdiyi “Dayanıqlı gələcəyin yaradılması: İqlim dəyişikliyi şəraitində qida təhlükəsizliyi, qidalanma və ana sağlamlığının kəsişməsi”mövzusunda iclas keçirilib.

 

Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin direktoru Qəhrəman Haqverdiyev panel sessiyasında çıxış edərək, Mərkəz tərəfindən aparılan tədqiqatlar barədə ətraflı məlumat verib.

 

O, Azərbaycanda qadınların sağlamlığını, qidalanmasını iqlim dəyişikliyinin təsirlərindən qorumaq məqsədilə səhiyyə sistemlərinin gücləndirilməsi üçün atılan praktik addımlardan söz açıb. Həmçinin, iqlim dəyişikliyinə münasibət və uyğunlaşma üzrə əhali və reproduktiv yaşda olan qadınlar arasında aparılmış tədqiqatların nəticələrini sessiya iştirakçılarının diqqətinə çatdırıb.