Rusiya Federasiyasının Stavropol şəhərində 28-31 may 2024-cu ildə “Azərbaycan və Rusiyanın IV Gənclər Təşəbbüsləri Forumu” keçirilib. Rusiya və Azərbaycandan 150-dən çox tələbə, ekspert və ictimaiyyət nümayəndələrinin qatıldığı forumun məqsədi iki ölkənin gənclərlə iş sahəsində əlaqələrinin inkişaf etdirilməsi, qarşılıqlı təcrübə və təşəbbüslərinin nümayişi üçün imkan yaradılmasıolub.

 

Səhiyyə Nazirliyinin İctimai Səhiyyə və İslahatlar Mərkəzinin (İSİM) Təlim-resurs şöbəsinin müdir müavini Pərvin Quliyeva Forumda iştirak edərək “Səhiyyə sahəsində könülülük” mövzusunda müzakirələrdə çıxış edib. Forum çərçivəsində könüllülük, sahibkarlıq, iqlim dəyişikliyi mövzularında dəyirmi masa, təqdimat sessiyaları, diskussiyalar, panel müzakirələri, iqlim üzrə oyun və ustad dərsləri təşkil olunub.