Müəllimlər üçün “Sağlam həyat tərzi və sağlam qidalanmanın təşviqi” mövzusunda seminar keçirilib | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu
  • 6 aprel – Ümumdünya Fiziki Aktivlik Gününə həsr edilmiş maarifləndirici aksiya oldu

XƏBƏRLƏR bütün xəbərlər

30 DEKABR 2023

Müəllimlər üçün “Sağlam həyat tərzi və sağlam qidalanmanın təşviqi” mövzusunda seminar keçirilib

Səhiyyə Nazirliyi İctimai Səhiyyə və İslahatlar Mərkəzi (İSİM) tərəfindən Binəqədi rayonu Rüstəm Əliyev adına 3 saylı tam orta məktəbdə 30 dekabr 2023-cü ildə müəllimlər üçün  “Sağlam həyat tərzi və sağlam qidalanmanın təşviqi” mövzusunda seminar keçirilib. 

Seminarın təşkilində əsas məqsəd əhali arasında sağlam həyat tərzi və sağlam qidalanma ilə bağlı məlumatlılığı artırmaq, gənc nəslin sağlam böyüməsi və inkişafında müəllimlərin vacib rolunu bir daha vurğulamaq idi.

İSİM-in Səhiyyə kommunikasiyası şöbəsinin müdiri Laura Quliyeva əhali arasında sağlam həyat tərzinin təbliğ və təşviq edilməsinin ölkəmizdə həyata keçirilən “2022-2026-cı illərdə sosial-iqtisadi inkişaf Strategiyası”nda geniş əks olunduğunu vurğulayıb və bu məqsədlə hazırlanan “Sağlam uşaq” internet portalı və mobil tətbiqi barədə ətraflı məlumat verib. Uşaq, valideyn və müəllimlər üçün nəzərdə tutulan portalın müəllimlər üçün faydalı məlumat bazası olduğu bildirilib, “Məktəblilərin sağlamlığı”, “Sağlam qida”, “Zərərli vərdişlər” və s. mövzular üzrə bölmələr xüsusilə diqqətə çatdırılıb.

İştirakçılara tütünçəkmə və digər zərərli vərdişlərdən uzaq olmaq, fiziki aktivliyə hər gün vaxt ayırmaq tövsiyə edilib, “fast-fud” və tez hazırlanan digər qida növlərinin sağlamlığa mənfi təsirləri  izah olunub. Bir daha vurğulanıb ki, “əlüstü yemək”lər, şirin qazlı içkilər, çox yağlı və duzlu qidalar immun sisteminin zəifləməsinə, artıq çəki və piylənməyə səbəb olur, şəkərli diabet, ürək-damar və sinir sistemi xəstəliklərinin inkişafına şərait yaradır.

Düzgün və balanslı qidalanma, qida təhlükəsizliyi barədə fikir mübadiləsi aparılıb, iştirakçılara İSİM tərəfindən hazırlanaraq çap olunan maarifləndirici materiallar təqdim olunub.