1 OKTYABR 2021

Masallı rayonunda yeniyetmə və gənclər üçün maarifləndirici tədbir keçirildi

Səhiyyə Nazirliyi ilə Ailə,Qadın və Uşaq Problemləri üzrə Dövlət Komitəsinin birgə əməkdaşlığı çərçivəsində 30 sentyabr  2021-ci il tarixdə Masallı rayonunda reproduktiv sağlamlığın qorunması, sağlam həyat tərzinin təbliği istiqamətində maarifləndirici tədbir oldu. Tədbir Gənclərin İnkişaf və Karyera Mərkəzi  və Masallı Rayon İcra Hakimiyyətinin  təşkilatçılığı ilə keçirildi. Masallı rayonu  Heydər Əliyev Mərkəzində keçirilən tədbirdə yeniyetmə və gənclər iştirak etdilər.

Səhiyyə Nazirliyinin İctimai Səhiyyə və İslahatlar Mərkəzinin həkim-metodisti Zümrüd Kazımova geniş təqdimatla çıxış edərək iştirakçılara reproduktiv sağlamlıq, ailə planlaşdırılması mövzusunda ətraflı məlumat verdi,  zərərli vərdişlərin sağlamlığa təhlükəli təsirlərini izah etdi.

Ailə, Qadın və Uşaq Problemləri üzrə Dövlət Komitəsinin əməkdaşı Nərgiz Sədrəddinbəyli çıxış edərək erkən nikahların fəsadlarından söz açdı, gənc nəsli sağlamlığını qorumağa çağırdı.

Yekunda iştirakçıları maraqlandıran suallar cavablandırıldı.