Səhiyyə Nazirliyi İctimai Səhiyyə və İslahatlar Mərkəzinin direktoru Qəhrəman Haqverdiyev səhiyyə sahəsində innovativ rəqəmsal texnologiyalarının tətbiqindən danışdı | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

27 AVQUST 2020

Səhiyyə Nazirliyi İctimai Səhiyyə və İslahatlar Mərkəzinin direktoru Qəhrəman Haqverdiyev səhiyyə sahəsində innovativ rəqəmsal texnologiyalarının tətbiqindən danışdı

Qəhrəman Haqverdiyev müsahibəsinin əvvəlində İctimai Səhiyyə və İslahatlar Mərkəzinin (İSİM) 2007-ci ildə AR Səhiyyə Naziri Oqtay Şirəliyevin təşəbbüsü ilə yarandığını, mərkəzin əsas funksiyasının ölkədə səhiyyənin inkişaf etdirilməsindən ibarət olduğunu qeyd edib.

Daha sonra İSİM tərəfindən hazırlanan məhsullar haqqında suala cavab verən mərkəz direktoru ilk növbədə ənənəvi informasiya məhsulları olan veb-saytları sadalamağa başlayıb: "Məsələn, mərkəzimizin korporativ saytı www.isim.az-dır, burada bütün innovativ layihələrimizin linklərini tapa bilərsiniz". Daha sonra o, bir il əvvəl istifadəyə verilmiş və Finlandiyanın “Duodecim” şirkəti ilə əməkdaşlıqda yaradılmış www.ebmg.az tibbi protokollar internet-portalından danışıb. Mərkəz direktorunun fikrinə görə, ixtisaslı tibb kadrları yetişdirmək üçün hər 5-6 ildən bir yenilənən məlumat və biliklərdən xəbərdar olmaq lazımdır. Belə ki, 100 minə yaxın istifadəçinin ziyarət etdiyi bu portal vasitəsilə 1000 protokol Azərbaycan dilinə artıq tərcümə edilib.

İSİM tərəfindən yaradılmış məhsulların mövzusunu davam etdirən Qəhrəman Haqverdiyev tibbi işçilərin fəaliyyətini daha da rahatlaşdıran "MD Referans" mobil əlavəsinin də adını çəkib. Onun sözlərinə görə, protokollar, bir sıra ixtisaslar üzrə yüzlərlə tərcümə olunmuş və orijinal elmi və praktik məqalələr, həkimlər və tibb bacıları üçün video mühazirələr artıq bu tədbiqdə yerləşdirilib. “Üstəlik, hazırda biz ora Azərbaycanda qeydiyyata alınan dərmanların bir neçə min təlimatını əlavə etmək üzərində işləyirik. Nəticədə tibb işçiləri üçün cib elektron arayış kitabçası alınacaq"- deyə, Qəhrəman Haqverdiyev fikrini tamamlayıb.

Müsahibəsini davam etdirərək, Qəhrəman Haqverdiyev qeyd etdi ki, bu yaxınlarda yeni startap olan və dərman vasitələrinə həsr olunmuş internet-portalın və ona aid mobil tədbiqin istifadəyə verilməsi gözlənilir. Bundan başqa, cəmi bir həftə bundan əvvəl İSİM, Azərbaycan Tibb Universiteti və Səhiyyə Nazirliyinin Həkimlərin Təkmilləşdirmə İnstitutu ilə əməkdaşlıqda həkimlər üçün daha bir yararlı təhsil mənbəyi olan www.ecourses.az saytının yaradılacağı haqda elan edib. Mərkəz direktorunun sözlərinə görə, bu sayt dünyada məşhur və populyar onlayn təlim resurslarının modeli əsasında yaradılıb. Təhsil müəssisələrinin müəllimləri, mütəxəssislər və elmi işçilər tibbin müxtəlif sahələrinə aid olan mühazirələrini ora yükləyə biləcəklər. Mərkəz direktoru fikrini açıqlayıb: “Yüzlərlə tələbə və həkimə uzaqdan təhsil almağa imkan verdiyinə görə COVID-19 pandemiyası zamanı bu məhsula tələbat daha da artıb. Biz yerli, türk, alman və rus həmkarlarımızın onlarla təlim kurslar və təqdimatlarını elektron qaynaqlarımıza artıq yerləşdirmişik”.

Müsahibəsinin sonunda Qəhrəman Haqverdiyev İctimai Səhiyyə və İslahatlar Mərkəzinin gələcək planlarından danışıb. O, qeyd edib ki, bu il üçün planlaşdırılmış işlər sırasına palliativ qulluq üçün kompüter platformalarının yaradılması, reproduktiv sağlamlıq üçün yeni mobil tətbiqlər, uşaq inkişaf gündəliyi, tibb bacıları üçün dərslik, interaktiv ilk yardım kurslarının istifadəyə verilməsi və sair layihələr daxildir. Bundan əlavə, mərkəz direktorunun sözlərinə görə, informasiya texnologiyaları daim və sürətlə dəyişir, bu gün yaradılan məhsullar sabah mənəvi və texniki cəhətdən köhnələcək, bunun nəticəsində yeni platformaların yaradılmasına ehtiyac artmaqdadır. O, həmçinin gələcəkdə interaktiv oyun proqramlarının, İSİM-də artıq fəaliyyət göstərən simulyasiya mərkəzi üçün virtual genişlənmiş reallıqdan istifadə etməklə həkimlər üçün təlimlərin yaradılmasını planlaşdırdığını vurğulayıb.

“Biz Səhiyyə Nazirliyinin rəhbərliyi ilə sağlamlığınızı qorumağa kömək edən rəqəmsal həllər və platformalar yaratmaq üzərində daim işləyirik. Onlardan istifadə edin, həmişə sağlam qalın! " - AR Səhiyyə Nazirliyinin İctimai Səhiyyə və İslahatlar Mərkəzinin direktoru Qəhrəman Haqverdiyev müsahibəsini bu sözlərlə bitirib.

Şəkillərlə burada tanış olmaq olar.