Səhiyyə Nazirliyinin İctimai Səhiyyə və İslahatlar Mərkəzinin nümayəndələri Qazaxıstan Respublikasında işgüzar səfərdə olublar | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

25 OKTYABR 2019

Səhiyyə Nazirliyinin İctimai Səhiyyə və İslahatlar Mərkəzinin nümayəndələri Qazaxıstan Respublikasında işgüzar səfərdə olublar

Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin direktoru Qəhrəman Haqverdiyev və Səhiyyə siyasəti və planlaşdırma şöbəsinin müdiri Nabil Seyidov 22-25 oktyabr 2019-cu il tarixdə Qazaxıstan Respublikasında işgüzar səfərdə olub.

Onlar Nur-Sultan şəhərində keçirilən “Digital Health 2.0” beynəlxalq sərgi və strateji əməkdaşlıq mövzusunda təşkil edilən konfrans çərçivəsində Qazaxıstanın bir sıra aparıcı tibb müəssisələrinin fəaliyyəti ilə yaxından tanış olaraq, əməkdaşlarla görüşüblər. Qazaxıstan Respublikasında səhiyyə sisteminin islahatı və inkişafı üzrə dövlət proqramlarına elmi-metodiki dəstək göstərən Səhiyyənin İnkişafı üzrə Respublika Mərkəzində görüş zamanı tərəflər arasında keçən il imzalanan əməkdaşlıq memorandumu çərçivəsində tibb sahəsində elektron standartların yaradılması, tibb müəssisələrinin akkreditasiyası, tibb menecmenti və səhiyyənin digər vacib sahələrində əməkdaşlıq etmək barədə razılıq əldə olunub.

Respublika Müstəqil İmtahan Mərkəzində keçirilən görüş də səmərəli olub və tərəflər arasında qarşılıqlı əməkdaşlığın gücləndirilməsinə dair sənəd imzalanıb. Bu əməkdaşlıq çərçivəsində Qazaxıstan  mütəxəssisləri tibb işçilərinin imtahanı üçün test suallarının hazırlanması, onlara sertifikatların verilməsi və simulyasiya mərkəzlərinin yaradılması sahəsində təcrübələrini bölüşəcəklər.

Daha əvvəl əməkdaşlıq haqqında sazişin imzalandığı Milli İctimai Səhiyyə Mərkəzinin rəhbərliyi ilə görüş zamanı səmərəli fikir mübadiləsi aparılıb, qeyri-infeksion xəstəliklərə qarşı mübarizə və sağlam həyat tərzinin təbliği istiqamətində görülən işlərdən danışılıb, bu sahədəki innovativ yeniliklərin effektivliyi müzakirə olunub.

Azərbaycanlı nümayəndələr səfər müddətində, həmçinin, xəstəliklərin profilaktikası və sağlamlığın qorunmasına dair müxtəlif tədbirlərdə, beynəlxalq mütəxəssislərin iştirakı ilə keçirilən təlimlərdə, tibbi startaplar müsabiqəsində iştirak ediblər. Burada keçirilən görüşlər zamanı hazırda dünya səhiyyəsində sürətli inkişaf dövrünü yaşayan rəqəmsal tibb, o cümlədən tibbi informasiya, innovasiya sistemləri və qabaqcıl texnologiya şirkətləri ilə qarşılıqlı əməkdaşlıq barədə səmərəli fikir mübadiləsi aparılıb.

Şəkillərlə burada tanış olmaq olar.