• Azərbaycanda XIX Beynəlxalq Gənclər Forumu keçirilir
  • İncəsənət xadimləri, KİV nümayəndələrinin iştirakı ilə “Hər günün tütünsüz olsun!” mövzusunda dəyirmi masa keçirildi
  • İSİM-in nümayəndələri Türkmənistanda keçirilən Ümumdünya Səhiyyə Təşkilatının konfransında iştirak etdilər
  • Azərbaycanda tütünlə mübarizə sahəsində dövlət-özəl sektor tərəfdaşlığının əhəmiyyətinə həsr olunmuş dəyirmi masa keçirildi
  • “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Sübutlara əsaslanan tibbi təlimatlar Azərbaycan dilinə tərcümə olunacaq

XƏBƏRLƏR bütün xəbərlər

28 İYUN 2019

Moskva şəhərində “MDB ölkələrində səhiyyə texnologiyalarının qiymətləndirilməsi” mövzusunda beynəlxalq elmi-praktik konfrans keçirildi

27-28 iyun 2019-cu il tarixdə Moskva şəhərində “MDB ölkələrində səhiyyə texnologiyalarının qiymətləndirilməsi” mövzusunda ikigünlük beynəlxalq elmi-praktik konfrans keçirildi.

Rusiya Federasiyasının Səhiyyə Nazirliyinin dəstəyi ilə keçirilən konfransın əsas məqsədi səhiyyə texnologiyalarının qiymətləndirməsi və MDB ölkələrində innovativ və ən yeni tibb avadanlıqlarının maliyyələşdirilməsi sisteminin inkişafına nail olmaqdır.

MDB-yə üzv ölkələrin Səhiyyə Nazirliyi, tibbi sığorta fondlarının nümayəndələri, Avropa İttifaqı ölkələri, eləcə də MDB ölkələrinin ictimai səhiyyə mütəxəssisləri, dərman təchizatı ilə məşğul olan aparıcı ekspertlər konfransda iştirak edirdilər. İştirakçılar arasında Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin mütəxəssisi Nabil Seyidov da vardı. Nabil Seyidov “Tibbi yardımın keyfiyyətinin təminatı: Azərbaycanda klinik protokollar və sübuta əsaslanan tibbi təlimatlar üzrə standartlaşdırma” mövzusunda geniş təqdimatla çıxış etdi.

Konfransda MDB ölkələrində səhiyyə sisteminin təşkili və maliyyələşdirilməsinin təkmilləşdirilməsi, eləcə də dərman təminatının maliyyələşdirilməsi, Böyük Britaniyanın Səhiyyə və Klinik İnkişaf Milli İnstitutunun təcrübəsinin öyrənilməsi, innovativ dərman preparatlarının qiymət sisteminin öyrənilməsi üzrə dünya təcrübəsinin araşdırılması kimi mövzularda geniş müzakirələr aparıldı.

Səmərəli fikir mübadiləsi şəraitində keçən konfransın yekununda qərara alındı ki, MDB ölkələri çərçivəsində səhiyyə texnologiyalarının qiymətləndirilməsi üzrə assosiasiyanın yaradılması üçün işçi qrup təşkil edilsin.