• Azərbaycanda XIX Beynəlxalq Gənclər Forumu keçirilir
  • İncəsənət xadimləri, KİV nümayəndələrinin iştirakı ilə “Hər günün tütünsüz olsun!” mövzusunda dəyirmi masa keçirildi
  • İSİM-in nümayəndələri Türkmənistanda keçirilən Ümumdünya Səhiyyə Təşkilatının konfransında iştirak etdilər
  • Azərbaycanda tütünlə mübarizə sahəsində dövlət-özəl sektor tərəfdaşlığının əhəmiyyətinə həsr olunmuş dəyirmi masa keçirildi
  • “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Sübutlara əsaslanan tibbi təlimatlar Azərbaycan dilinə tərcümə olunacaq

XƏBƏRLƏR bütün xəbərlər

26 APREL 2019

Mərkəzi Asiya və Qafqaz ölkələrində uşaq və yeniyetmələrin qidalanması üzrə regional simpozium keçirildi

24-26 aprel 2019-cu il tarixdə Qazaxıstan Respublikasının Nur-Sultan şəhərində Mərkəzi Asiya və Qafqaz ölkələrində uşaq və yeniyetmələrin qidalanması və ərzaq məhsullarının idarəsi üzrə regional simpozium keçirildi. UNICEF-in Avropa və Mərkəzi Asiya Regional İdarəsi, Qazaxıstan hökuməti, Ümumdünya Səhiyyə Təşkilatı, Birləşmiş Millətlər Təşkilatının Ərzaq və Kənd Təsərrüfatı Təşkilatı, Qidalanma üzrə Daimi Komitəsi ilə birgə təşkil olunan simpoziumda Qazaxıstan, Qırğızıstan, Tacikistan, Türkmənistan, Özbəkistan, Azərbaycan, Gürcüstan və  Ermənistan Respublikasının nümayəndələri, beynəlxalq təşkilatların təmsilçiləri və ekspertlər iştirak etdilər. Azərbaycanı simpoziumda Milli Məclisin Səhiyyə komitəsinin sədr müavini Musa Quliyev, Səhiyyə Nazirliyinin Tibbi yardımın təşkili şöbəsinin məsləhətçisi Aynurə Zeynalova, İctimai Səhiyyə və İslahatlar Mərkəzinin Layihələrin əlaqələndirilməsi şöbəsinin müdiri Səbinə Babazadə, Qida Təhlükəsizliyi Agentiliyinin baş məsləhətçisi Aidə Zeynalova,  Kənd Təsərrüfatı Nazirliyinin Dövlət Aqrar Ticarət Şirkətinin departament rəhbəri Rauf Orucov, UNICEF-in Azərbaycandakı nümayəndəliyinin Səhiyyə və qidalanma proqramının rəhbəri Töhfə Cəmilova təmsil edirdi.

Simpoziumun təşkilində əsas məqsəd ölkə nümayəndələrinin diqqətini uşaq və yeniyetmələrin qidalanma problemlərinə yönəltmək, zərərli qidalanmaya qarşı mübarizənin sürətləndirilməsi üçün qəbul olunan qərarların həllinə ölkələri təşviq etmək, ərzaq sistemlərinin və qidalanmanın idarəsini həyata keçirməklə əhalinin sağlamlığının qorunmasını təmin etmək idi. Ekspertlərin çıxışında bir daha vurğulandı ki, düzgün olmayan qidalanma uşaqların inkişafına və sağlamlığına mənfi təsir göstərir. İştirakçıların diqqətinə çatdırılan statistik məlumatlara görə, Qafqaz və Mərkəzi Asiya regionunda uşaq və yeniyetmələrin 10 faizə qədəri qidalanma azlığı səbəbindən inkişafdan qalsa da, piylənmədən əziyyət çəkənlərin sayı getdikcə artmaqdadır. Bildirildi ki,  normadan az olan qidalanma və ya piylənmə milyonlarla uşağın rifahına mənfi təsir göstərir, azyaşlıların boy artımına əngəl olur, koqnitiv inkişafı pozur, qeyri-infeksion xəstəliklərə tutulma riskini artırır, erkən ölümə və əlilliyə səbəb olur. Vurğulandı ki, bu  problemlərə sistemli yanaşma və sağlam qidalanmanın təmin edilməsi uşaqlar və yeniyetmələr arasında mövcud vəziyyətin aradan qalxması ilə nəticələnər.

Səmərəli fikir mübadiləsi şəraitində keçən simpoziumda nümayəndələr uşaq və yeniyetmələrin sağlam qidalanması ilə bağlı ölkələrində həyata keçirilən tədbirlərdən söz açdılar, təcrübələrini bölüşdülər.