• İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • “Hemofiliyanın müalicəsində yeni yanaşmalar” mövzusunda elmi-praktik seminar keçirildi
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi
  • “Ümumdünya ana südü ilə qidalandırma həftəsi” qeyd olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

7 SENTYABR 2006

Səhiyyə sahəsində yeni mərkəzin yaradılması nəzərdə tutulur

Azərbaycan Respublikası Səhiyyə Nazirliyinin nəzdində İctimai Səhiyyə və İslahatlar Mərkəzinin yaradılması nəzərdə tutulur. Səhiyyə Nazirliyindən verilən məlumata görə, yeni Mərkəz Respublika Ailə Sağlamlıq Mərkəzinin əsasında yaradılacaq.

İctimai Səhiyyə və İslahatlar Mərkəzinin yaradılmasında əsas məqsəd respublikada səhiyyə proqramlarının izlənib hazırlanması və tətbiqi sahəsində əsas istiqamətlərin müəyyənləşdirilməsi, islahatların tibb müəssisələrində tənzimlənməsi, idarəetmə sisteminin təkmilləşdirilməsi, səhiyyənin maliyyələşməsi sahəsində islahatların aparılmasının metodik əsaslandırılması kimi məsələləri həyata keçirməkdir.

Eyni zamanda, əhaliyə tibbi xidmətin təşkilində və bu xidmətlərin müasir beynəlxalq standartlar çərçivəsində qurulmasına və islahatların aparılmasına dair dövlət siyasətinin müəyyənləşdirilməsində, Respublika əhəmiyyətli tibb müəssisələrinin fəaliyyt dairəsi ilə bağlı məsələlərin qanunvericiliklə müəyyən edilmiş qaydada tənzimlənməsində iştirak etmək Mərkəzin əsas funksiyalarındandır. Yeni Mərkəzin əsas vəzifələrindən biri əhalinin sağlamlığının qorunması işinin təşkili, ailə təbabəti konsepsiyası ilə bağlı məsələlərin həllində zəruri təşkilatı tədbirlərin həyata keçirilməsi, metodik tövsiyələrin hazırlanması, səhiyyədə islahatların aparılması ilə əlaqədar təkliflərin hazırlanmasıdır. Bununla yanaşı İctimai Səhiyyə və İslahatlar Mərkəzinin qarşısında ailə təbabətinə dair proqramın hazırlanması, sağlam həyat tərzinin təbliği kimi vacib məsələlər durur.

Habelə Mərkəz tibbi personalın ixtisasının artırılmasında da əhəmiyyətli işlər görəcək. Belə ki, İctimai Səhiyyə və İslahatlar Mərkəzi ümumi həkim təcrübəsi işinin təkmilləşdirilməsi ilə əlaqədar prinsiplərin işlənməsi, islahatlar dövründə tibbi kadrların hazırlanması üzrə proqramların hazırlanmasında iştirak etmək, onların peşəkarlıq səviyyəsinin yüksəldilməsinə əməli yardımın göstərilməsi, treninq və metodik sənədlərin hazırlanması və nəşri kimi vəzifələri həyata keçirəcək.