SOS Uşaq Kəndində “İlk tibbi yardımın göstərilməsi” üzrə təlim təşkil olundu | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

30 MAY 2018

SOS Uşaq Kəndində “İlk tibbi yardımın göstərilməsi” üzrə təlim təşkil olundu

30 may 2018-ci il tarixdə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin  dəstəyi, Azərbaycan Respublikasının Prezidenti yanında Bilik Fondunun təşkilatçılığı ilə SOS Uşaq Kəndində “İlk tibbi yardımın göstərilməsi” üzrə təlim keçirildi.

Təcili və təxirəsalınmaz yardım üzrə ekspert, “İlk yardım” adlı dərs vəsaitinin müəllifi Malik Abbasov müəllim və valideyn auditoriyası qarşısında bu mövzuda maarifləndirici mühazirə ilə çıxış etdi. Hadisə yerində (işdə, küçədə, evdə və s.) bir sıra sadə xilasetmə tədbirlərini yubanmadan həyata keçirməklə ağır fəsadların və xoşagəlməz nəticələrin qarşısını almağın mümkün olduğunu vurğulayan mütəxəssis qeyd etdi ki, istənilən vaxtda və məkanda baş verə biləcək bədbəxt hadisə, yaxud qəfil xəstələnmə vəziyyətlərində yaxınlıqda tibb işçisi olmadıqda  digər şəxslər zədələnənlərə ilk yardım göstərməyi bacarmalıdırlar. Bu sahədə məlumatlı olmağın vacibliyindən danışan M. Abbasov xüsusi manikendən istifadə etməklə, tənəffüs dayandığı halda süni tənəffüs verilmə və ürəyin qapalı masajının düzgün icra qaydalarını tədbir iştirakçılarının nəzərinə çatdırdı. Bu cür vəziyyətdə ürəyin yerinin düzgün təyin olunması, masaj zamanı əllərin döş qəfəsi üzərində yerləşdirilmə qaydası, eləcə də digər zəruri addımlar mütəxəssis tərəfindən aydın izah edildi. 

Tədbirdə həmçinin tənəffüs yoluna yad cismin düşməsi zamanı göstəriləcək ilk yardım qaydaları da bilavasitə praktiki qaydada diqqətə çatdırıldı, hər hansı travma zamanı qan damarları, əzələlər və ətraf sümüklərin zədələnməsi, yanıqlar, burxulma, bayılma zamanı göstərilməli olan təxirəsalınmaz tədbirlərdən danışıldı.

Müəllim və valideyn auditoriyasının böyük marağına səbəb olan tədbirdə ekspertin təxirəsalınmaz yardımla bağlı nəzəri və əyani təqdimatı iştirakçılar tərəfindən diqqətlə dinlənildi və onları maraqlandıran suallar cavablandırıldı.